ಸಿಸ್ತಿನ ಶಿವಪ್ಪ ನಾಯಕ

“ಸಿಸ್ತಿನ ಶಿವಪ್ಪ ನಾಯಕ" ಕೆಳದಿ ಇತಿಹಾಸವನ್ನು ಇರಿಸಿಕೊಂಡು ನಾನು ಬರೆದಿರುವ ಐದನೇ ಕಾದಂಬರಿ, ನಾನು ಕೆಳದಿ ಸೀಮೆಯವನಾಗಿರುವುದರಿಂದ ಕೆಳದಿ ಇತಿಹಾಸದ ಬಗ್ಗೆ ನನಗೆ ಸಹಜವಾಗಿ ಆಸಕ್ತಿ, ಕುತೂಹಲ, ಈ ಆಸಕ್ತಿಯಿಂದಾಗಿ ಕೆಳದಿ ಇತಿಹಾಸವನ್ನು ಅಷ್ಟು ಇಷ್ಟು ತಿರುವಿಹಾಕಿ ಈ ಬರಹವನ್ನು ಮಾಡಿದ್ದೇನೆ.

ಈ ನನ್ನ ಕೃತಿಯ ನಾಯಕ ಶಿವಪ್ಪ ಈತ ಕೆಳದಿಯನ್ನು ಆಳಿದ ದೊರೆಗಳಲ್ಲಿ ಒಂಬತ್ತನೆಯವನು.

(ಕ್ರಿಸ್ತಶಕ 1646-1661), ಶಿವಪ್ಪ ಅಂದ ಕೂಡಲೇ ನಮಗೆ ನೆನಪಾಗುವುದು ಅವನ ಶಿಸ್ತು. ಇದು ಕಂದಾಯಕ್ಕೆ ಸಂಬಂಧಪಟ್ಟಂತೆ ಆತ ಜಾರಿಗೆ ತಂದ ಕಾನೂನು ನಿಯಮಗಳು ಎಂದು ಹೇಳಲಾಗಿದ್ದರೂ ನಮಗೆ ಸಿಗುವ ವಿವರ ಕಡಿಮೆ ಇರುವ ಅಲ್ಪ ಸ್ವಲ್ಪ ಮಾಹಿತಿಯನ್ನು ಬಳಸಿಕೊಂಡು ಈ ಕೃತಿಯ ರಚನೆಯನ್ನ ನಾನು ಮಾಡಿದ್ದೇನೆ.

-ನಾ.ಡಿ ಲೇಖಕರು