ಶ್ರೀ ಶಂಕರಾಚಾರ್ಯರು

ಭಾರತೀಯ ಸನಾತನ ಧರ್ಮದ ಉದ್ಧಾರಕ, ಅದ್ವೈತ ವೇದಾಂತದ ಮಹಾ ಸೂರ್ಯ ಜಗದ್ಗುರು ಆದಿ ಶಂಕರಾಚಾರ್ಯರ ದಿವ್ಯ ಜೀವನ ಮತ್ತು ದರ್ಶನವನ್ನು ಅನಾವರಣಗೊಳಿಸುವ ಮಹೋನ್ನತ ಜೀವನಚರಿತ್ರೆ.

ಕೇವಲ 32 ವರ್ಷಗಳ ಅಲ್ಪ ಆಯಸ್ಸಿನಲ್ಲಿ ಇಡೀ ಭಾರತ ದೇಶವನ್ನು ಕಾಲ್ನಡಿಗೆಯಲ್ಲೇ ಸಂಚರಿಸಿ, ಸಾಂಸ್ಕೃತಿಕ ಹಾಗೂ ಆಧ್ಯಾತ್ಮಿಕವಾಗಿ ದೇಶವನ್ನು ಒಂದೇ ಸೂತ್ರದಡಿ ಬೆಸೆದ ಮಹಾಚೇತನ ಶ್ರೀ ಶಂಕರಾಚಾರ್ಯರು. ಬೌದ್ಧಿಕ ಕ್ರಾಂತಿಯ ಮೂಲಕ ಷಣ್ಮತಗಳನ್ನು ಸ್ಥಾಪಿಸಿ, ನಾಲ್ಕು ದಿಕ್ಕುಗಳಲ್ಲಿ ಆಮ್ನಾಯ ಪೀಠಗಳನ್ನು ನಿರ್ಮಿಸಿದ ಆ ಜಗದ್ಗುರುಗಳ ಅದ್ಭುತ ಜೀವನ ಗಾಥೆ, ಅವರ ಕಾಲದ ಸವಾಲುಗಳು ಮತ್ತು ಅವರು ನೀಡಿದ ಅದ್ವೈತ ಸಿದ್ಧಾಂತದ ಸಾರವನ್ನು ಈ ಕೃತಿ ಅತ್ಯಂತ ಮನೋಜ್ಞವಾಗಿ ಕಟ್ಟಿಕೊಡುತ್ತದೆ.