ಬಿ. ಎಸ್. ವೆಂಕಟೇಶರಾವ್ ಅವರ ರಚನೆಯ ಪೋರ್ಟ್ರೇಟ್ ಫೋಟೋ ಮತ್ತಿತರ ಕಥೆಗಳು ಕಥಾಸಂಕಲನವು 'ಸಾಹಿತ್ಯಲೋಕ ಪಬ್ಲಿಕೇಷನ್ಸ್' (Sahityaloka Publications) ಪ್ರಕಟಣೆಯಲ್ಲಿ ಹೊರಬಂದಿದೆ.

ಕಲ್ಪನೆಗಳನ್ನು, ಅನುಭವಗಳನ್ನು ಕಥನಿಸುವುದಕ್ಕಿಂತ ವಾಸ್ತವಿಕ ಘಟನೆಗಳನ್ನು ಕಥೆಗೊಳಿಸುವುದು ವಿಶಿಷ್ಟ ಬಗೆಯ ಸಾಹಿತ್ಯಿಕ ಪ್ರಯತ್ನ. ಈ ಕೃತಿಯಲ್ಲಿರುವ ಕಥೆಗಳು ನೈಜ ಘಟನೆಗಳಿಗೆ ಕಲ್ಪನೆಯ ಲೇಪ ನೀಡಿ, ರಮ್ಯತೆ ಮತ್ತು ಸೃಜನಶೀಲತೆಯಿಂದ ಓದುಗರನ್ನು ಸೆರೆಹಿಡಿಯುತ್ತವೆ. ಲೇಖಕರ ಮೊದಲ ಕೃತಿ 'ಸಿನಿ ಮಾಯೆ' ಓದಿದವರಿಗೆ ಈ ಕಥಾಸಂಕಲನವೂ ಅದರ ನೇರ ನಿರೂಪಣೆ, ವಿಭಿನ್ನ ದೃಷ್ಟಿಕೋನ ಮತ್ತು ವೈವಿಧ್ಯಮಯ ಶೈಲಿಯಿಂದ ಹೊಸ ವಿಸ್ಮಯವನ್ನು ಮೂಡಿಸುತ್ತದೆ.

ಈ ಪುಸ್ತಕದ ಕುರಿತು ಡಾ. ಹೆಚ್.ಎಸ್. ಸುರೇಶ್ (ಅಧ್ಯಕ್ಷರು, ಕರ್ನಾಟಕ ರಾಜ್ಯ ಸರ್ವೋದಯ ಮಂಡಳ) ಅವರು "ಡಿ.ವಿ.ಜಿ.ಯವರು ಮಂಕುತಿಮ್ಮನ ಕಗ್ಗದಲ್ಲಿ ಉಲ್ಲೇಖಿಸಿರುವ 'ನರ ಹೈದಯದಾಳ ಸುಳಿ ಬಿರುಬುಗಳ' ಕಾಣಿಸುವ ನೈಜ ಪ್ರಯತ್ನ ಈ ಕಥೆಗಳಲ್ಲಿದೆ" ಎಂದು ಶ್ಲಾಘಿಸಿದ್ದಾರೆ.