ಜೀವನ ಮೌಲ್ಯಗಳು

ಪುಸ್ತಕದ ಬಗ್ಗೆ: ಜೀವನ ಮೌಲ್ಯಗಳು : ಸುಲಭ ಜೀವನಕ್ಕೆ ಸುಗಮ ಮಾರ್ಗ ಶಬ್ದ ಮತ್ತು ಗೊಂದಲಗಳ ನಡುವೆ ನೆಮ್ಮದಿಯಿಂದ ಬದುಕುವುದು ಕಷ್ಟ. ಇದು ಹೊಸ ಜಗತ್ತಿನ ಸಮಸ್ಯೆ ಎಂದು ಭಾವಿಸುವುದಾದರೆ, ಇದೊಂದು ಕಾಲಾತೀತವಾದ ಸಂಗತಿಯೇ ಹೌದು. ನಾವು ಇಂದು ಎದುರಿಸುತ್ತಿರುವ ಈ ಸಮಸ್ಯೆಯ ಕುರಿತು ಎರಡು ಸಾವಿರ ವರ್ಷಗಳ ಹಿಂದೆಯೇ ತತ್ವಶಾಸ್ತ್ರಜ್ಞರು ಚರ್ಚಿಸಿದ್ದಾರೆ. ಆಂತರಿಕ ಶಾಂತಿ-ನೆಮ್ಮದಿಯನ್ನು ಪಡೆದುಕೊಳ್ಳುವುದು ಹೇಗೆ? ಸಂತೋಷದಿಂದಿರಲು ಏನು ಮಾಡಬೇಕು? ಇಂತಹ ಉಪಯುಕ್ತ ವಿಷಯಗಳು ಇಲ್ಲಿ ಕಾಣಸಿಗುತ್ತವೆ. 'ಜೀವನ ಮೌಲ್ಯಗಳು' ಎಂಬ ಈ ಕೃತಿಯು ಬದುಕಿನ ಕುರಿತಾದ ತಾತ್ವಿಕ ಸ್ವರೂಪದ ಎಪ್ಪತ್ತು ಪ್ರಬಂಧಗಳ ಒಂದು ಸಂಕಲನ, ಸಂತೋಷ, ಸಂಪತ್ತು, ಆರೋಗ್ಯ, ಇತರರೊಂದಿಗೆ ಮತ್ತು ತನ್ನೊಳಗೇ ಇರಬೇಕಾದ ಸೌಹಾರ್ದ ಸಂಬಂಧಗಳ ಕುರಿತು ಈ ಲೇಖನಗಳು ವ್ಯವಹರಿಸುತ್ತವೆ. ದೈನಂದಿನ ಬದುಕಿನ ಸಮಸ್ಯೆ - ಸವಾಲುಗಳ ನಡುವೆಯೂ ಅಗತ್ಯವುಳ್ಳ ಸರಿಯಾದ ವಿಷಯಗಳ ಕುರಿತು ಗಮನ ಹರಿಸಬೇಕಾದ ಬಗೆಯನ್ನು ಈ ಪ್ರಬಂಧಗಳು ಎತ್ತಿಹಿಡಿಯುತ್ತವೆ.