ವಿದೇಶ ಪ್ರಯಾಣ ಕೈತುಂಬಾ ಕಾಂಚಾಣ

ವಿದೇಶ ಪ್ರಯಾಣ, ಕೈತುಂಬಾ ಕಾಂಚಾಣ' ಎನ್ನುವ ಈ ಲೆಕ್ಕಾಚಾರ ಸರಿಯೇ? ನಿಜಕ್ಕೂ ನಮಗೆ ಅಷ್ಟೊಂದು ಹಣ ಸಿಗುತ್ತದೆಯೇ? ನಡುವೆ ಕಳೆದು ಹೋಗುವ ಕಾಲದಲ್ಲಿ ಬದುಕಿಗೆ ಸಾರ್ಥಕತೆ ಸಿಗಬಲ್ಲದೇ? ಹಣದ ಹೊರತಾಗಿಯೂ ಝಣ-ಝಣವೆಂದು ಗಳಿಸುವುದೆಷ್ಟು? ಭರಪೂರ ಕಳೆದುಕೊಳ್ಳುವುದೆಷ್ಟು?

***

 ಇಂಗ್ಲೆಂಡಿಗೆ ಬರಲು ಅತಿ ಬುದ್ಧಿವಂತಿಕೆಯೇನೂ ಬೇಕಿಲ್ಲ. ಪ್ರಯತ್ನ, ಅವಕಾಶ, ದುಡಿಯುವ ಛಾತಿ ಮತ್ತು ಬದ್ಧತೆಗಳದ್ದಿರೆ ಹೇರಳ ಅವಕಾಶಗಳಿವೆ.

***

 ಸಾಂಸ್ಕೃತಿಕವಾಗಿ ಯು.ಕೆ. ಭಾರತಕ್ಕೆ ಹತ್ತಿರವಲ್ಲದದ್ದಿರೂ ಭಾರತವೇ ಅದರ ಹತ್ತಿರಕ್ಕೆ ಬಂದಿದೆ ಎಂದರೆ ತಪ್ಪಲ್ಲ. ಜಾಗತೀಕರಣದ ದಟ್ಟಪ್ರಭಾವದ ಕಾರಣ, ಇಂದಿನ ತಲೆಮಾರಿನ ಭಾರತೀಯರು ಇಂಗ್ಲೆಂಡಿನ ಬದುಕಿಗೆ ಅತಿಸುಲಭವಾಗಿ ಒಗ್ಗಿಕೊಳ್ಳಬಲ್ಲರು. ಮಿಕ್ಕವರು ಒಂದಿಷ್ಟು ಹೊಂದಾಣಿಕೆ ಮಾಡಿಕೊಳ್ಳುತ್ತಾರೆ.

***

 ಭಾರತಕ್ಕೆ ಬರುವ ವಿದೇಶೀ ಮಹಿಳೆಯೊಬ್ಬಳನ್ನು ಯಾರೋ ಒಬ್ಬ ಭಾರತೀಯ ರೇಪ್ ಮಾಡಿದನೆಂದ ಮಾತ್ರಕ್ಕೆ, ಭಾರತೀಯರೆಲ್ಲ ಹೇಗೆ ಅತ್ಯಾಚಾರಿಗಳಾಗುವುದಿಲ್ಲವೋ ಅಂತೆಯೇ ಪ್ರತಿ ದೇಶದಲ್ಲೂ ಬಹುತೇಕ ಒಳ್ಳೆಯ ಮತ್ತು ಕೆಲವು ಕೆಟ್ಟ ಜನರಿರುತ್ತಾರೆ. ಯು.ಕೆ.ಯೂ ಅದಕ್ಕೆ ಹೊರತಲ್ಲ.

***

 ಕನ್ನಡಿಗರು ಎಂದ ಕೂಡಲೇ ಕನ್ನಡ ಸರಿಯಾಗಿ ಬರೆಯಲು ಬರದವರು ಇರುವ ಹಾಗೆಯೇ ಇಂಗ್ಲೀಷ್ ಚೆನ್ನಾಗಿ ಬರದ ಇಂಗ್ಲೀಷು ಜನರಿದ್ದಾರೆ. ಓದು-ಬರಹ ತಿಳಿದಿಲ್ಲದ ಜಿಪ್ಸಿ ಜನಾಂಗದವರೂ ಇದ್ದಾರೆ. ಬ್ರಿಟಿಷರಷ್ಟೇ ಶ್ರೇಷ್ಠ ಎನ್ನುವ ಆಲೋಚನೆಯ ಸಂಪ್ರದಾಯವಾದಿ ತೀವ್ರಗಾಮಿಗಳೂ ಇದ್ದಾರೆ. ವಲಸಿಗರ ಬಗ್ಗೆ ಇವರ ಮನಸ್ಸಿನಲ್ಲಿ ತಿರಸ್ಕಾರವಿದೆ. ಸಮಾಧಾನದ ವಿಚಾರವೆಂದರೆ, ಸಹಿಷ್ಣುತೆ ಇರುವ ಜನರ ಸಂಖ್ಯೆ ಇಡೀ ಯೂರೋಪಿನಲ್ಲಿಯೇ ಅಧಿಕವಾಗಿರುವುದು ಯುನೈಟೆಡ್ ಕಿಂಗ್ಡಮ್ಮಿನಲ್ಲಿ.