ಪರಂಪರೆಯನ್ನು ಅರ್ಥೈಸುವ ಸಾಧ್ಯತೆಗಳು ಅಪಾರವಾದದ್ದು. ವರ್ತಮಾನದ ನಮ್ಮ ಆಲೋಚನೆಗಳ ಅನೇಕ ನೆಲೆಗಳಲ್ಲಿ ಮೈಗೂಡಿಕೊಂಡಿರುವ ನ್ಯೂನ್ಯತೆಗಳಿಗೆ ಇವು ಕನ್ನಡಿ ಹಿಡಿದಂತೆ. ಈ ಸಂವಾದವು ಕಾಲಘಟ್ಟವೊಂದರ ನಮ್ಮ ಚಿಂತನೆಯ ಸ್ವರೂಪದ ಉತ್ತಮ ಮಾದರಿಗಳಲ್ಲಿ ಒಂದಾಗಿದೆ. ಇಪ್ಪತ್ತನೆಯ ಶತಮಾನದ ಕೊನೆಯ ಮೂರು ದಶಕಗಳ ನಮ್ಮ ವೈಚಾರಿಕ ದಿಗಂತವನ್ನು ಮತ್ತು ಅದರ ಹಿಂದಿನ ಭೌತಿಕ ಒತ್ತಡಗಳನ್ನು ಸಂವಾದದಲ್ಲಿ ಭಾಗವಹಿಸಿದವರು ನಮ್ಮೆದುರಿಗೆ ಸಮರ್ಪಕವಾಗಿ ಬಿಚ್ಚಿಟ್ಟಿದ್ದಾರೆ. ಹೊಸ ಚಿಂತನೆಗೆಂದು ಹಾತೊರೆಯುವ ನಮಗೆ ಹಳೆಯದರ ಕುಂದುಕೊರತೆಗಳನ್ನು ಮನದಟ್ಟಾಗಿಸುವ ಸಾಮರ್ಥ್ಯ ಇಲ್ಲಿನ ಮಾತುಗಳಿಗಿವೆ.

- ಮನು ವಿ. ದೇವದೇವನ್