ವಿ-ಚಾರಣ

ನಮ್ಮ ವೈಯಕ್ತಿಕ ಹಾಗೂ ಸಮೂಹ ವರ್ತನೆಗಳ ಔಚಿತ್ಯವನ್ನು ಅರಿಯಲು ಪ್ರಯತ್ನಿಸಿದರೆ, ನಮ್ಮಲ್ಲಿಯೇ ಅಡಗಿ ಕುಳಿತಿದ್ದರೂ, ನಮಗೆ ಪರಿಚಯವೇ ಇಲ್ಲದಂತಹ ಮತ್ತೊಬ್ಬ ವ್ಯಕ್ತಿ ನಮಗೆ ಕಾಣ ತೊಡಗುತ್ತಾನೆ. ಆಗ ನಮಗೂ, ಇತರೆ ಪ್ರಾಣಿಗಳಿಗೂ ವರ್ತನೆಗಳ ನಂಟು ಬೆಳೆದು - ನಾವು ಮಂಗಗಳ ನೆಂಟರಷ್ಟೆ – ನಮ್ಮೆಲ್ಲರಲ್ಲೂ ಒಂದು ಗೊರಿಲ್ಲಾ ಇದೆ, ಒಂದು ಹುಲಿ ಇದೆ, ಕೋಗಿಲೆ ಇದೆ, ನವಿಲು ಇದೆ ಎಂಬ ಅರಿವು ಮೂಡುವುದು ಸಹಜ. ಹೀಗೆ ನಮ್ಮ ವರ್ತನೆಗಳ ವಿಕಾಸದ, ವಿಚಾರಗಳ ನಡುವಣ ಚಾರಣವೆ - ವಿಚಾರಣ.

ಹೆಣ್ಣು ಗಂಡು, ಮಾನವ, ಸಂಸ್ಕೃತಿ ಎಂಬ ಮೂರು ಮುಖ್ಯ ವಿಭಾಗಗಳಲ್ಲಿ ಮೂಡಿಬಂದಿರುವ ಇಲ್ಲಿನ ಲೇಖನಗಳಲ್ಲಿ ಹಲವಾರು ಸ್ವಾರಸ್ಯಕರ ವಿಚಾರಗಳ ವಿಶ್ಲೇಷಣೆಯಿದೆ. ನಮ್ಮನ್ನು ಚಿಂತನೆಗೆ ಹಚ್ಚುವ ಈ ವಿಚಾರಗಳ ಚಾರಣ ನಿಜಕ್ಕೂ ಚೇತೋ ಹಾರಿಯಾದದ್ದು.