ತೆರೆದಷ್ಟೂಅರಿವು

ಹಲವು ತೋಟಗಳ ಹೂವುಗಳ ಬಣ್ಣ, ವಾಸನೆಯಂತೆ ಇಲ್ಲಿಯ ಲೇಖನಗಳು  ವೈವಿಧ್ಯತೆಯನ್ನು ಹೊಂದಿವೆ. ಓದಿದ ಮೇಲೆ ಕಣ್ಣು ಮುಚ್ಚಿ ಆಘ್ರಾಣಿಸುವ ಹಾಗೆ ಇವುಗಳ ಚೆಲುವು. ಜೀವನದ ವೈವಿಧ್ಯಮಯ, ಸಂಕೀರ್ಣತೆಯ ಹುಡುಕಾಟವನ್ನು ಕಲಾ ಸೌಂದರ್ಯದಲ್ಲಿ ಬಚ್ಚಿಡುವ, ಬಿಚ್ಚಿಡುವ ಲೇಖಕರ  ಭಾಷಾ ಆಟ ಬಹು ದೊಡ್ಡದು, ಅವರ ಚೈತನ್ಯವನ್ನೇ ಬೇಡುವಂಥದ್ದು. ಅದನ್ನು ಹುಡುಕುವುದೂ ಒಂದು ಸೃಜನಶೀಲ ಆಟವೇ. ಇದೂ ಕೂಡಾ ಒಂದು ಕಲೆಯೇ. ಅಂಥ ಹುಡುಕಾಟದ ವಿವಿಧ ದಾರಿಗಳು ಇಲ್ಲಿಯ  ಲೇಖನಗಳ ಜೀವನಾಡಿಗಳಾಗಿವೆ. ಕೆ.ಎಸ್.ನ ಅವರಿಂದ ಹಿಡಿದು ಲಕ್ಕೂರು ಆನಂದ ಇವರ ತನಕ ವಿವಿಧ ಸಾಹಿತ್ಯ ಕೃತಿಗಳ ಸೂಕ್ಷ್ಮ ಓದನ್ನು ಮಾಡಿರುವ ಗೀತಾ ಅವರ ಸೃಜನಶೀಲ ವಿಮರ್ಶೆಯು  ವಸಂತದ ಗಾಳಿಯಂತೆ ನವ-ನವೀನವಾಗಿದೆ