ಪರ್ಣಕುಟೀರ

ಪರ್ಣಕುಟೀರ

"ಈ ಪ್ರೇಮ, ಆಪ್ಯಾಯತೆ ದುಡ್ಡಿನೊಂದಿಗೆ ಗಂಟು ಹಾಕಿಕೊಂಡಿವೆ. ಹೊಟ್ಟೆ ಪೂರ್ತಿಯಾಗಿ ತುಂಬಿದರೆ, ಏರ್ ಕಂಡಿಷನ್ಸ್ ರೂಮಿನಲ್ಲಿ ತಂಗಾಳಿಯು ಆಯಾಸ ತೀರಿಸುತ್ತಿದ್ದರೆ... ಪ್ರೇಮ, ಆಪ್ಯಾಯತೆ ಬೇಡವೆಂದರೂ ಹುಟ್ಟಿಕೊಳ್ಳುತ್ತವೆ. ಒಂದು ಕಡೆ ಹೊಟ್ಟೆ ಸುಡುತ್ತಿರುವಾಗ, ಹಣವೇ ಮುಖ್ಯ ಸಮಸ್ಯೆ ಆಗಿರುವಾಗ, ಈ ಆಪ್ಯಾಯತೆಗಳೆಲ್ಲಾ ಕಂಡುಬರದ ಜಾಗಕ್ಕೆ ಹೊರಟುಹೋಗುತ್ತವೆ. ಆಗ ಆ ಸ್ಥಾನವನ್ನು ಬೇಸರ, ಕಿರಿಕಿರಿ, ಕೋಪ ಭರ್ತಿ ಮಾಡುತ್ತವೆ."

"ಈ ಬಂಧುತ್ವ, ಆಪ್ಯಾಯತೆ ಮನುಷ್ಯ ತನ್ನ ಸಂಸ್ಕಾರದಿಂದ ಏರ್ಪಡಿಸಿಕೊಂಡಿರುವುವು. ಕೇವಲ ಹಸಿವಿನಿಂದ ಮನುಷ್ಯನು ಮೃಗವಾಗಿ ಬದಲಾಗುವುದೇನಾದರೂ ಸಂಭವಿಸಿದ ಪಕ್ಷದಲ್ಲಿ ಈ ಪ್ರಪಂಚದಲ್ಲಿ ಬಡವರೆಲ್ಲ ತಮ್ಮ ಸಂಸಾರಗಳೆಲ್ಲವನ್ನೂ ಬಿಸಾಡಿಬಿಟ್ಟಿರುತ್ತಿದ್ದರು."

"ಏನೋ ಕೂಡಿ ಇರಬೇಕು; ಆದ್ದರಿಂದ ಇರುತ್ತಾರೆ. ಆದರೆ ನಿಮಗೆ ಗೊತ್ತಿಲ್ಲ... ಗಂಡ ಹೆಂಡತಿಯರು, ಅಣ್ಣ ತಂಗಿಯರು ಪ್ರತಿ ದಿನವೂ ಎಂತಹ ಬದ್ಧವೈರಿಗಳಂತೆ ಹೊಡೆದಾಡುವರೆಂದು ನಿಮಗೆ ತಿಳಿಯದು. ಆ ಕೊಳಕು ಕೂಪದಲ್ಲಿ, ಆ ಕತ್ತಲ ಗುಹೆಯಲ್ಲಿ ಆಪ್ಯಾಯತೆ ಎನ್ನುವುದು ಹುಡುಕಿ ನೋಡಿದರೂ ಕಾಣಿಸುವುದಿಲ್ಲ."

"ಹಣವೇ ಆಪ್ಯಾಯತೆಯನ್ನು ವ್ಯಕ್ತಪಡಿಸುತ್ತದೆಂದು ನೀನೆಂದರೆ ನಾನು ಒಪ್ಪಿಕೊಳ್ಳುವುದಿಲ್ಲ."