'ನೆತ್ತರಲಿ ನೆಂದ ಚಂದ್ರ' ಪ್ರಸಿದ್ಧ ಕವಿ ಹಾಗೂ ಅನುವಾದಕಿ ಎಂ. ಆರ್. ಕಮಲಾ ಅವರು ಅರಬ್ ಲೋಕದ ಮಹಿಳಾ ಕವಿಗಳ ಕವಿತೆಗಳನ್ನು ಕನ್ನಡಕ್ಕೆ ಅನುವಾದಿಸಿ ಸಂಪಾದಿಸಿರುವ ಅತ್ಯಮೂಲ್ಯ ಕೃತಿಯಾಗಿದೆ.

ಶತಮಾನಗಳ ಕಾಲ ಮೌನಕ್ಕೆ ಶರಣಾಗಿದ್ದ ಅರಬ್ ಮಹಿಳಾ ಕವಿಗಳ ದ್ವನಿ ಹಾಗೂ ಅವರ ಆಕ್ರೋಶ, ಅಸ್ತಿತ್ವದ ಹುಡುಕಾಟವನ್ನು ಈ ಕೃತಿಯು ಅತ್ಯಂತ ಪ್ರಭಾವಶಾಲಿಯಾಗಿ ತೆರೆದಿಡುತ್ತದೆ. ಯುದ್ಧ, ವಲಸೆ, ತಾಯ್ನಾಡಿನಿಂದ ಚ್ಯುತಿ, ನಿರಾಶ್ರಿತ ಬದುಕು, ಮಕ್ಕಳ ಸಾವು, ಹಿಂಸೆ ಮತ್ತು ಸಂಘರ್ಷದ ಕರಾಳ ನೆರಳಿನಲ್ಲಿ ನರಳಿದ ಅರಬ್ ಸ್ತ್ರೀಯರ ಆಳವಾದ ನೋವು-ಯಾತನೆಗಳು ಈ ಕವಿತೆಗಳಲ್ಲಿ ಪ್ರತಿಫಲಿಸಿವೆ.