ಮೂಲ ಮಂತ್ರ ಪ್ರಯೋಗಃ

ವಿವಿಧ ಗ್ರಂಥಗಳಲ್ಲಿ ನಿರೂಪಿತವಾಗಿರುವ ಅನೇಕ ಪ್ರಭಾವಶಾಲಿ ಮಂತ್ರಗಳನ್ನು ಒಂದೇ ಕಡೆಗೆ ಸಂಗ್ರಹಿಸಬೇಕು ಎನ್ನುವ ಅನೇಕ ಸಾಧಕರ ಹಾಗೂ ಓದುಗರ ಇಚ್ಛೆಗೆ ಪೂರಕವಾಗಿ ಈ ಸಂಗ್ರಹವು ರೂಪುಗೊಂಡಿದೆ. ಮಂತ್ರಶಾಸ್ತ್ರದ ಪ್ರಮುಖ ಗ್ರಂಥಗಳಾದ 'ಮಂತ್ರ ಮಹೋದಧಿ' ಮತ್ತು ಶಾರದಾ ತಿಲಕ ತಂತ್ರಗಳಿಂದ ಸಂಗ್ರಹಿಸಲಾದ ವಿವಿಧ ಮಂತ್ರಗಳೊಂದಿಗೆ ಅನ್ಯ ಮೂಲಗಳಿಂದಲೂ ಸಂಗ್ರಹಿಸಿದ ಮಂತ್ರಗಳು ಇಲ್ಲಿವೆ.

ಮಂತ್ರಶಾಸ್ತ್ರದ ಅಥಾಹ ಸಾಗರದ ಗರ್ಭದಲ್ಲಿ ಇನ್ನೂ ಅಸಂಖ್ಯಾತ ರತ್ನಗಳು ಅಡಗಿವೆ. ಆ ಸಾಗರದ ಆಳವನ್ನಳೆದು ಅವೆಲ್ಲವುಗಳನ್ನು ಹೆಕ್ಕಿತಂದು ಸಾಧಕರ ಮುಂದೆ ಪ್ರಸ್ತುತಪಡಿಸುವ ಪ್ರಕ್ರಿಯೆಯು ನಿರಂತರವಾಗಿ ಸಾಗುತ್ತಿರುತ್ತದೆ.

ಮಂತ್ರ ಸಾಧನೆಯ ವಿವಿಧ ಆಯಾಮಗಳನ್ನು ಕುರಿತು ಇಲ್ಲಿ ಸಂಕ್ಷಿಪ್ತವಾಗಿ ಚರ್ಚಿಸಲಾಗಿದ್ದು, ಮಂತ್ರ-ತಂತ್ರಗಳ ಸಂಬಂಧಗಳ ಮೇಲೆಯೂ ಬೆಳಕು ಚೆಲ್ಲಲಾಗಿದೆ. ಸಾಧನೆಯ ಪ್ರಾರಂಭದಲ್ಲಿ ಈ ಅಂಶಗಳನ್ನು ಗಂಭೀರವಾಗಿ ಪರಿಗಣಿಸಿ ಮುನ್ನಡೆದರೆ, ಸಾಧನೆಯು ಸಫಲವಾಗುವುದರಲ್ಲಿ ಯಾವ ಸಂದೇಹವೂ ಇಲ್ಲ.

ಶಿವಸ್ವರೂಪ ಚೈತನ್ಯ