ಕನ್ನಡ ಪ್ರಥಮ ವ್ಯಾಕರಣ

“ಡಾ.ಎ.ಎನ್.ನರಸಿಂಹಯ್ಯನವರು “ಕನ್ನಡ ಪ್ರಥಮ ವ್ಯಾಕರಣ" ವನ್ನು ಪ್ರಾಥಮಿಕ ತರಗತಿಯ ವಿದ್ಯಾರ್ಥಿಗಳಿಗಾಗಿ ರಚಿಸಿದರು. 1938ರಲ್ಲಿ ಇದರ ಮೊದಲ ಮುದ್ರಣ ಬಂದ ಮೇಲೆ, ಇದು ಪಾಠವಾಗುತ್ತಿದ್ದ ಕಾಲದವರೆಗೆ ಪುನರ್ಮುದ್ರಣಗಳಾದವು. ಈಚೆಗೆ ಭಾಷಾಶಿಕ್ಷಣದಲ್ಲಿ ಹೊಸ ಹೊಸ ಚಿಂತನೆಗಳೂ ಪದ್ಧತಿಗಳೂ ಹೊರಟ ಮೇಲೆ ಈ ಪುಸ್ತಕದ ಪುನರ್ಮುದ್ರಣವಾಗುವುದು ನಿಂತುಹೋದಂತೆ ತೋರುವುದು.

“ಕನ್ನಡ ಪ್ರಥಮ ವ್ಯಾಕರಣ" ಒಂದು ಸುಂದರವಾದ, ಆಕರ್ಷಕವಾದ ಮಕ್ಕಳ ವ್ಯಾಕರಣಪಥ್ಯ ಎನ್ನುವುದರಲ್ಲಿ ಯಾವುದೇ ಸಂದೇಹವಿಲ್ಲ. ಒಬ್ಬ ಗಣ್ಯ ಭಾಷಾವಿಜ್ಞಾನಿಯ ರಚನೆ ಎನ್ನುವುದರಿಂದ ಅದಕ್ಕೆ ಒಂದು ಗಣ್ಯತೆಯುಂಟು, ಈ ಕಾಲದ ಮಕ್ಕಳು ಕೂಡ ಅದರ ಪಾಠಗಳನ್ನು ಕಲಿಯುವುದರಿಂದ, ಮನನ ಮಾಡುವುದರಿಂದ ತುಂಬ ಪ್ರಯೋಜನವಿದೆ. ಹಾಗಾಗಿ ಈ ಗ್ರಂಥದ ಪುನರ್ಮುದ್ರಣ ಒಂದು ಸಾರ್ಥಕವಾದ ಸಾಹಸ.”

- ಟಿ.ವಿ. ವೆಂಕಟಾಚಲಶಾಸ್ತ್ರೀ