ಪುರಂದರದಾಸರ ಅಧ್ಯಯನ ಪೀಠದ ಸಂಚಾಲಕರಾಗಿದ್ದ ಪ್ರೊ. ಎ.ವಿ. ನಾವಡ ಅವರ ಪ್ರಯತ್ನದ ಫಲವಾಗಿ ಹರಿದಾಸ ಸಾಹಿತ್ಯಕ್ಕೆ ಸಂಬಂಧಪಟ್ಟ ಹಲವು ಕೃತಿಗಳು ಪ್ರಕಟವಾಗಿವೆ. ಪಾಂಡುರಂಗ ವಿಠಲ ಕನ್ನಡ ಸಂಸ್ಕೃತಿಗೆ ನಿಕಟವಾದ ದೈವವೆಂದರೆ ತಪ್ಪಾಗಲಾರದು. ಅಲೆಮಾರಿಗಳು, ಪಶುಸಂಗೋಪಕರು ಪ್ರಾಚೀನದಿಂದಲೂ ಆರಾಧಿಸುತ್ತಿರುವ ಈ ದೈವವನ್ನು ನಮ್ಮ ಹರಿದಾಸರು ಜನಸಾಮಾನ್ಯರ ಪ್ರತಿನಿಧಿಯಾಗಿ ಭಾವಿಸಿ ಆರಾಧಿಸಿದ್ದಾರೆ.

ಅಂಥ ಪ್ರಾತಿನಿಧಿಕ ಗೀತೆಗಳು ಮರುಮುದ್ರಣವಾಗುತ್ತಿರುವ ಸಂದರ್ಭದಲ್ಲಿ ಈ ಕೃತಿಯನ್ನು ಸಂಕಲಿಸಿಕೊಟ್ಟಿರುವ ನಮ್ಮ ಮಹತ್ವದ ವಿದ್ವಾಂಸರಲ್ಲಿ ಒಬ್ಬರಾಗಿರುವ ಪ್ರೊ. ಎ.ವಿ. ನಾವಡ ಅವರಿಗೆ ಧನ್ಯವಾದಗಳು.

-ಡಾ. ಹಿ.ಚಿ. ಬೋರಲಿಂಗಯ್ಯ