ಬಿಳಿಯ ಚಾದರ

ಕಾದಂಬರಿಯುದ್ದಕ್ಕೂ ಇಂಗ್ಲಿಷಿನಲ್ಲಿ ಜರಗುವ ಘಟನೆಗಳ ಪ್ರಪಂಚ ಕನ್ನಡದಲ್ಲಿ ಮೂಡುವಾಗ ಹುಟ್ಟಿಸಿಕೊಳ್ಳುವ ಹೊಸ ಅರ್ಥಗಳು ಇಡೀ ಕಾದಂಬರಿಯ ಅರ್ಥದ ಪದರುಗಳನ್ನು (ನೇಯ್ಗೆಯನ್ನೂ) ಸಮೃದ್ಧಗೊಳಿಸುವಂತಿದೆ.

 ಇಂಗ್ಲಿಷ್ ಭಾಷೆಯಲ್ಲಿ, ಅದೂ ಅಮೇರಿಕಾದಲ್ಲಿ, ಜರಗುವ ವಿದ್ಯಮಾನಗಳು ಕನ್ನಡಗೊಳ್ಳುವಾಗ, ಆಗುತ್ತಿರುವುದು ಹೊಸರೂಪ ಪಡೆದು ಪ್ರತ್ಯಕ್ಷವಾಗುತ್ತವೆ. ಇದು ಈ ಎರಡು ಭಾಷೆಗಳ ನಡುವಿನ-ಸಂಸ್ಕೃತಿಗಳ ಅಂತರದಿಂದಾಗಿ ಹುಟ್ಟಿಕೊಂಡ 'ಅನುವಾದ'ದ. ಅಂದರೆ ಒಂದಕ್ಕೊಂದು ಅನುವಾಗುವ, ಹತ್ತಿರವಾಗುವ ಸಮಸ್ಯೆಯೂ ಹೌದು. ಡಾ. ಕಾಗಿನೆಲೆಯವರು ಈ ಇಬ್ಬಗೆಯ ಭಾವಪ್ರಪಂಚಗಳನ್ನು ಒಮ್ಮೆಯಲ್ಲಿ ಪಡೆಯಲು ನಡೆಸುವ ಪ್ರಯತ್ನ ವೈಚಾರಿಕವಾಗಿ ಮಾತ್ರವಲ್ಲದೆ, ಭಾಷಾತ್ಮಕವಾಗಿಯೂ ಗಮನಾರ್ಹವೆಂದುಕೊಂಡು ಈ ಕಾದಂಬರಿಯನ್ನು ನಾನು ಓದುತ್ತಾ ಹೋಗುತ್ತಿದ್ದೇನೆ.....

 ಇದೊಂದು ಪ್ರಾಯೋಗಿಕ ಕಾದಂಬರಿ. ಕನ್ನಡ ಸಾರಸ್ವತ ಲೋಕವನ್ನು ಅಪ್ಪಟವಾದ, ಚುರುಕಾದ ವೈಚಾರಿಕ ಶೋಧದ ಕನಸನ್ನು ಪಡೆದ ಪ್ರಜ್ಞೆಯೊಂದು ಪ್ರವೇಶಿಸಿ ವಿಸ್ತರಿಸುತ್ತಿದೆ ಎಂಬುದು ಕನ್ನಡದ ಲೇಖಕರಲ್ಲಿ ಒಬ್ಬನಾದ ನನಗೆ ಹೆಮ್ಮೆಯನ್ನೂ, ಸಂತೋಷವನ್ನೂ ತಂದಿದೆ.

-ಯು. ಆರ್. ಅನಂತಮೂರ್ತಿ 
(ಮುನ್ನುಡಿಯಿಂದ)