ಈತನನ್ನು, ಓದುವುದು, ಚಿಂತಿಸುವುದು ಮತ್ತು ಈತನ ಕುರಿತು ಬರೆಯುವುದೇ ಒಂದು ಅಪರಾಧ ಎನ್ನುವ ಆ ಕಾಲಘಟ್ಟದಿಂದ, ಇಂದಿನ ಹೈ-ಸೊಸೈಟಿಗಳ ಹಸಿವಾಗಿ, ಅವರ ದೃಷ್ಟಿಹೀನ ಕಾಮದ ಕಮಟು ವಾಸನೆಯಾಗಿ, ಈತ ಬೆಳೆಯುತ್ತಿರುವ ಈ ಕಾಲಘಟ್ಟದವರೆಗೂ ನಾನು ಇವನೊಂದಿಗಿದ್ದೇನೆ. ಈತ ಮಿಲಿಯನ್ ವರ್ಷಗಳಷ್ಟು ಮೊದಲಿಗ, ನಾನು ಕೋಟಿ ವರ್ಷಗಳಷ್ಟು ಪುರಾತನ. ನಾವಿಬ್ಬರೂ ಇಲ್ಲಿಯೇ ಇದ್ದೇವೆ. ಈತ ಬೆಂಕಿಯಾಗಿ, ನಾನು ಅವನೊಳಗೆ ಬೈಚಿಟ್ಟ ಕೋಲಾಗಿ. ಈಗ ಬೆತ್ತಲಾಗುವ ಹೊತ್ತು. ಮುಗ್ಧತೆ ಮೈದಾಳಿ, ಮನಸ್ಸು ಪಿಸುಗುಡುವ ಸಮಯ, ಸ್ವಲ್ಪ ಆಲಿಸುವಿರಾ?