ವೈಜ್ಞಾನಿಕ ದೃಷ್ಟಿಯನ್ನು ಬೆಳೆಸಿಕೊಳ್ಳುವುದು ಹೇಗೆ?

ವೈಜ್ಞಾನಿಕ ದೃಷ್ಟಿ, ವೈಜ್ಞಾನಿಕ ಮನೋಭಾವ ಎಂದರೇನು? ಈ ಪ್ರಶ್ನೆಯನ್ನು ನಾವು ಯಾರಲ್ಲಿ ಕೇಳಬೇಕು? ಪವಾಡ ಪುರುಷರೋ, ಜ್ಯೋತಿಷಿಗಳೋ, ಪುರೋಹಿತಶಾಹಿಯೋ ಇದಕ್ಕೆ ಸರಿಯುತ್ತರ ನೀಡಾಲಾರರು! ಅವರ ವೃತ್ತಿಗೇ ಅದು ಮಾರಕ! ಅಂಥ ಮನೋಭಾವ ನಮ್ಮಲ್ಲಿ ಬೆಳೆಯದಂತೆ ಬೇಕಾದರೆ ಅವರು ನೋಡಿಕೊಂಡಾರು. ಸರಿಯಾದ ವೈಜ್ಞಾನಿಕ ಮಾಹಿತಿ ಲಭ್ಯವಿಲ್ಲದ ಕಾಲದಲ್ಲಿ ಕೇವಲ ನಂಬಿಕೆ-ಊಹೆಗಳ ಆಧಾರದಿಂದ ಸಮಾಜದಲ್ಲಿ ಕೆಲವು ಮೌಢ್ಯಗಳು ಮನೆಮಾಡಿದವು. ಇಂದು ವಿಜ್ಞಾನದ ನಿಖರ ಲೆಕ್ಕಾಚಾರಗಳಿಂದ ಅವೆಲ್ಲ ತಲೆಕೆಳಗಾಗಿ ಅಂಗೀಕಾರ ಯೋಗ್ಯವಲ್ಲವೆಂದು ಸಿದ್ಧವಾಗಿವೆ. ಕುರುಡು ನಂಬೆಕೆಗಳನ್ನು ತಕ್ಷಣ ನಂಬದೆ ನಿಜಾಂಶ ಏನೆಂದು ತಿಳಿಯುವಲ್ಲಿ ಪ್ರಯತ್ನಿಸುವುದೇ ವೈಜ್ಞಾನಿಕ ಮನೋಭಾವ ಬೆಳೆಯುವುದಕ್ಕೆ ಸಹಕಾರಿ. ವೈಜ್ಞಾನಿಕ ಬರವಣಿಗೆಯಲ್ಲಿ ನುರಿತ-ಬಹುಶ್ರುತರೆಂದು ಖ್ಯಾತರಾದ ಜೆ.ಆರ್. ಲಕ್ಷ್ಮಣರಾವ್ ಇಲ್ಲಿನ ಬರಹಗಳನ್ನು ಸುಲಭಗ್ರಾಹ್ಯವಾಗುವ ಭಾಷೆಯಲ್ಲಿ ನಿರೂಪಿಸಿದ್ದಾರೆ.