ಸನ್ಯಾಸಿ ಮತ್ತು ಇತರ ಕಥೆಗಳು

ಕನ್ನಡ ಸಾಹಿತ್ಯ ಲೋಕದ ಧ್ರುವತಾರೆ, ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ರಾಷ್ಟ್ರಕವಿ ಕುವೆಂಪು ಅವರ ಕಥನ ಕೌಶಲ್ಯಕ್ಕೆ ಅತ್ಯುತ್ತಮ ಸಾಕ್ಷಿ ಈ "ಸನ್ಯಾಸಿ ಮತ್ತು ಇತರ ಕಥೆಗಳು" ಸಂಕಲನ. ಕುವೆಂಪು ಅವರು ಕೇವಲ ಮಹಾಕಾವ್ಯ, ಕಾದಂಬರಿ, ನಾಟಕಗಳಲ್ಲಷ್ಟೇ ಅಲ್ಲದೆ ಸಣ್ಣಕಥೆಗಳ ಪ್ರಕಾರದಲ್ಲೂ ಎಷ್ಟು ಸಿದ್ದಹಸ್ತರು ಎಂಬುದನ್ನು ಈ ಕೃತಿ ನಿರೂಪಿಸುತ್ತದೆ. ಮಲೆನಾಡಿನ ಗ್ರಾಮೀಣ ಬದುಕು, ಮಾನವ ಸಹಜ ಸ್ವಭಾವಗಳು ಮತ್ತು ವೈಚಾರಿಕ ಚಿಂತನೆಗಳನ್ನು ಒಳಗೊಂಡ ವಿಶಿಷ್ಟ ಕಥೆಗಳು ಈ ಸಂಕಲನದಲ್ಲಿವೆ.