ಪ್ರೇಮಕ್ಕೆ ಕಣಿ ಕೇಳಬೇಕೆ..?

“ಪ್ರೇಮಕ್ಕೆ ಕಣಿ ಕೇಳಬೇಕೆ..?” ಎನ್ನುವ ಈ ಮಧುರ ಪ್ರೇಮ ಕವಿತೆಗಳ ಹೊತ್ತಿಗೆಯಲ್ಲಿ ರವೀಂದ್ರ ಮುದ್ದಿ  ಕಾವ್ಯಗಳ ಕೆಚ್ಚಲನ್ನು ಸಂಪೂರ್ಣ ಹಿಂಡಿ, ಅಕ್ಷರಗಳಲ್ಲಿ ಪ್ರೇಮಾಮೃತವನ್ನು ಉಣಿಸುವ ಪ್ರಯತ್ನವನ್ನು ಮಾಡಿದ್ದಾರೆ. ಪ್ರೀತಿಸಿ ದೂರ ಆದವರು, ಪ್ರೀತಿಸಿ ಜೊತೆಗಿರುವವರು ಹೀಗೆ ಪ್ರೀತಿಯ ಕುಣಿಕೆಯಲ್ಲಿ ಬಿದ್ದಿರುವಂಥ ಎಲ್ಲರೂ ಓದಬಹುದಾದಂತ ಪ್ರೇಮ ಕವಿತೆಗಳು ಇಲ್ಲಿವೆ. ಈ ಪುಸ್ತಕದೊಳಗಿನ ಕವಿತೆಗಳನ್ನು ಒಮ್ಮೆ ಮಳೆ ಬೀಳುವ ಸಮಯದಲ್ಲಿ ಕಾಫಿ ಕುಡಿಯುತ್ತ ಓದಿ ಮುಗಿಸಿದರೆ, ಪ್ರಾಯಶ: ನೀವು ಹದಿಹರೆಯದಲ್ಲಿ ಪ್ರೀತಿಸಿದ ಹುಡುಗಿ ಅಥವಾ ಹುಡುಗ ಗಕ್ಕನೇ ಮತ್ತೆ ನೆನಪಾಗಿ, ನಿಮ್ಮ  ಹೃದಯವನ್ನು ಮತ್ತೆ ಆವರಿಸಿಬಿಡುವ ಶಕ್ತಿ ರವೀಂದ್ರ ಮುದ್ದಿ ಅವರ ಕವಿತೆಗಳಿಗಿವೆ.

ಕೆ. ಕಲ್ಯಾಣ್ 

ಚಿತ್ರ ಸಾಹಿತಿ, ಸಂಗೀತ ನಿರ್ದೇಶಕ