ಒಂದು ಕೋಪಿಯ ಕಥೆ

"ನೋಡು ಹೇಗೆ ಸದ್ದು ಮಾಡ್ತಿದೆ ಅಂತ. ಇನ್ನೇಲೆ ನಮ್ಮ ಹೊಸ ದಂಧೆಯು ಇದೇ ರೀತಿ ಜೋರಾಗಿ ಸದ್ದು ಮಾಡುತ್ತೆ” ಎಂದು ಮಂಗಳೂರಿನ ಸುಧಾಕರ ಶೆಟ್ಟಿ ಕೆಟ್ಟ ನಗೆ ಬೀರುತ್ತಲೇ ಅಚ್ಚರಿಗೊಂಡ ರುದ್ರ

"ಅಣ್ಣಾ ಯಾವ ಪ್ರಾಣಿ ಇದು?. ಈ ವಿಚಿತ್ರ ಪ್ರಾಣಿನಾ ನಾನು ಇದುವರೆಗೂ ಎಲ್ಲಿಯೂ ನೋಡಿಲ್ಲ. ಒಳ್ಳೆ ಬೆಕ್ಕು ಇದ್ದಂಗೆ ಇದೆ. ಏನಣ್ಣ ಇದ್ರ ಹೆಸ್ರು?” ಎಂದು ಅಚ್ಚರಿಗಣ್ಣುಗಳಿಂದ ಕೇಳುತ್ತಲೇ ಎದುರಿಗಿದ್ದ ಪಂಜರಕ್ಕೆ ಮುಖಮಾಡಿ ಅದರೊಳಗಿದ್ದ ಕಂದು ಬಣ್ಣದ ಪ್ರಾಣಿಯ ಕಿವಿಯಲ್ಲಿ “ಕೋಪಿ” ಎಂದು ಶೆಟ್ಟಿ ಉಸುರಿದ. ಅದಕ್ಕೆ ಪ್ರತಿಕ್ರಿಯಿಸಿದ ಆ ಪ್ರಾಣಿ ಸಿಟ್ಟಿನಲ್ಲಿ ಮತ್ತೊಮ್ಮೆ ಜೋರಾಗಿ ಚೀರಿತು. ಆ ವಿಚಿತ್ರ ಸದ್ದು ಆರು ಜನರ ಭವಿಷ್ಯದ ಮರಣವಾಣಿಯಂತೆ ಶೆಟ್ಟಿಯ ಕೋಣೆಯೊಳಗೆಲ್ಲಾ ಪ್ರತಿಧ್ವನಿಸಿತು!