"ಬೆನ್ನುಡಿ"

ಪುಸ್ತಕ ಕ್ಕೊಂದು ಮುನ್ನುಡಿಯ ಯಾರೋ ಒಬ್ಬರು ಬರೆದಿರಲೇಬೇಕು
ನನ್ನ ಬದುಕಿಗು ಮುನ್ನುಡಿಯ ಈಗಾಗಲೇ ಬರೆದಿದ್ದಾಗಿದೆ ಅದು ನನ್ನ ತಂದೆ -ತಾಯಿ ನನ್ನ ಊರು ನನ್ನ ಶಾಲೆಯೇ ಇರಬೇಕು

ಪುಸ್ತಕದ ಮುನ್ನುಡಿಯ ವಿಮರ್ಶೆಯಲಿ ಓದುಗರು ಓದಿಯೇ ಮುಂದಿನ ಪುಟಗಳಿಗೆ ಹೋಗಬೇಕು
ಹಾಗೆಯೇ ನನ್ನಯ ಬದುಕು ಸಹ !
ನನ್ನ ಬದುಕಿನ ನಿಜವಾದ ಪುಟಗಳು ವೃತ್ತಿ ಬದುಕಿನಲಿ ಸಾಂಸಾರಿಕ ಜೀವನದಲಿ ಸಾಮಾಜಿಕ ರಂಗದಲಿ ತೆರೆದು ಕೊಳ್ಳುತ್ತಲಿದೆ

ಓದುತ ಓದುತ ಓದುಗನೇ ಪುಸ್ತಕದ ಬೆನ್ನುಡಿಯ ಬರೆಯುತಲಿರುವನು ಆದರೆ
ನನ್ನ ಬದುಕಿನ ಬೆನ್ನುಡಿಯ ಪ್ರವೃತ್ತಿಯ ಸಾಹಿತ್ಯ ಲೇಖನದಲಿ ನಾನೇ ಬರೆಯುತಲಿರುವೆ? ಆ ಬೆನ್ನುಡಿಯ ನೀ ಓದುತಲಿರುವೆ!