ಪದ್ಯಕ್ಕೆ ಮೆಚುರಿಟಿ ಅನ್ನೋದು ಇರೋದಿಲ್ಲ. ಆದರೆ ಆ ಪದ್ಯವನ್ನ ಯಾವ ವಯಸ್ಸಿನವರು ಓದ್ತಾರೆ ಅನ್ನೋದರ ಮೇಲೆ, ಆ ಪದ್ಯ ತನ್ನ ಒಳಾರ್ಥವನ್ನು ಬಿಟ್ಟುಕೊಡುತ್ತದೆ. 

ಪದ್ಯವೇ ಹಾಗೆ, ಕತ್ತಲಲ್ಲಿದ್ದವರಿಗೆ ಬೆಳಕಿನ ಸ್ಪರ್ಶವನ್ನು, ಅಗಾಧ ಬೆಳಕು ಕಂಡವರಿಗೆ ಕತ್ತಲಿನ ಕರಾಳತೆಯನ್ನು, ಕೂತಲ್ಲೇ, ನಿಂತಲ್ಲೇ, ಇದ್ದಲ್ಲೇ ಅರ್ಥ ಮಾಡಿಸುವ ಶಕ್ತಿ ಪದ್ಯಕ್ಕಿದೆ. ಅಂತಹ ಪದ್ಯದ ಬೆನ್ನತ್ತಿ ಹೋಗುವ ಎಲ್ಲ ಪದ್ಯಗಾಮಿ ಮನಸುಗಳಿಗೂ ಪದ್ಯ ದಕ್ಕಲಿ. ಪದ್ಯಕ್ಕಿರುವ ಇತಿ-ಮಿತಿ, ಪರಿಧಿಗಳನ್ನು ಮೀರಿ ಬೆಳಗುವ ಒಂದು ಸಾಲಾದರೂ ಈ ಸಂಕಲನದಲ್ಲಿ ನಿಮಗೆ ಸಿಕ್ಕರೆ.. ಅಲ್ಲಿಗೆ ನಾನು ನಿಮಗೆ ಅಂದರೆ ಓದುಗರಿಗೆ ಸಿಕ್ಕಂತೆ! ನನ್ನ ಹುಡುಕಾಟದಲ್ಲಿರುವ ನಿಮ್ಮೆಲ್ಲರಿಗೂ ಧನ್ಯ. ನಾನು ಎಂದರೆ ಪದ್ಯ!