ಕಪ್ಪು ನೆಲದ ಪಾಡು

ಹೊಸ ಹುರುಪಿನೊಂದಿಗೆ ಕಥಾಲೋಕಕ್ಕೆ ಪ್ರವೇಶಿಸಿದ ನನ್ನನ್ನು ಈ ಎರಡು ದಶಕಗಳ ಕಾಲಾವಧಿಯಲ್ಲಿ ಕನ್ನಡ ಜಗತ್ತು ನನಗೆ ಹಲವು ರೀತಿಯಲ್ಲಿ ಪ್ರೋತ್ಸಾಹಿಸಿದೆ. ಹೊಸ ಅನುಭವಗಳು ನೀಡಿದೆ. ನನ್ನಂತರಂಗದ ಸಂಘರ್ಷಗಳ ಭಾರವನ್ನು ಇಳಿಸಲು ಈ ಕಥೆಗಳು ನನಗೆ ಎಷ್ಟೋ ಸಹಕಾರಿಯಾಗಿವೆ. ಅಂತೆಯೇ ಮತ್ತಷ್ಟು ಸಂಘರ್ಷಗಳ ಹುಟ್ಟಿಗೂ ಕಾರಣವಾಗಿವೆ. ಒಂದು ರೀತಿಯಲ್ಲಿ ಈ ಕಥಾಪಯಣವು ನನ್ನಲ್ಲಿ ಬೆಚ್ಚಗಿನ ಭಾವವನ್ನುಂಟು ಮಾಡುತ್ತಿದೆ. ಆ ಭಾವವೇ ನನ್ನ ಬದುಕಿಗೂ, ಬರಹಕ್ಕೂ ಮತ್ತಷ್ಟು ಶಕ್ತಿ ತುಂಬುತ್ತಿದೆ. ಕೊನೆಯದಾಗಿ ನನ್ನ ಈ ಪಯಣಕ್ಕೆ ಬೆಂಬಲವಾಗಿ, ಪ್ರೋತ್ಸಾಹದಾಯಕವಾಗಿ ನಿಂತ ಎಲ್ಲ ಸಹೃದಯ ಮನಸ್ಸುಗಳಿಗೆ ನಾನು ಹೃದಯಪೂರ್ವಕವಾದ ಕೃತಜ್ಞತೆಗಳನ್ನು ಸಲ್ಲಿಸುತ್ತೇನೆ. ಅವರೆಲ್ಲರಿಗೂ ನನ್ನ ನೆನೆಕೆಗಳು ಸಲ್ಲುತ್ತವೆ.

-ಪ್ರೊ. ಎಚ್.ಟಿ. ಪೋತೆ