ಹಾಸ್ಯಮೂರ್ತಿ ಫಾಲ್ ಸ್ಟಾಫ್

ಇದು ನಾನು ಷೇಕ್ಸ್‌ಪಿಯ‌ರ್ ಮಹಾಕವಿಯ ನಾಟಕಗಳಿಂದ ಆರಿಸಿ, ಭಾಷಾಂತರಿಸಿರುವ ದೃಶ್ಯಗಳ ಎರಡನೆಯ ಪುಸ್ತಕ, ಇದರಲ್ಲಿ ಹೆನ್ರಿ IV, ಹೆನ್ರಿ V ನಾಟಕಗಳಲ್ಲಿಯ ಫಾಲ್‌ ಸ್ಟಾಫ್ ದೃಶ್ಯಗಳ ಬಹುಭಾಗವನ್ನು ತಂದಿದೆ. The Merry Wives of Windsor (ವಿಂಡ್ಕರ್ ಆಟಕಾತಿ ಗರತಿಯರು) ನಾಟಕದಲ್ಲಿ ಫಾಲ್‌ಸ್ಟಾಫ್ ಪ್ರಣಯದಲ್ಲಿ ಪರಾಭವವನ್ನುಂಡದ್ದರ ಚಿತ್ರ ಇದೆ - ಇದು ಒಂದು ಕೃತಕ ಚಿತ್ರ: ಇದರ ಫಾಲ್‌ಸ್ಟಾಫ್ ಬೇರೊಬ್ಬ ಫಾಲ್‌ಸ್ಟಾಪ್. ಅದನ್ನು ಈ ಪುಸ್ತಕದಲ್ಲಿ ಗಣನೆಗೆ ತೆಗೆದುಕೊಂಡಿಲ್ಲ.

ಫಾಲ್‌ಸ್ಟಾಫ್ ವಿಷಯವಾಗಿ ಪ್ರಸ್ತಾವನೆಯ ರೂಪದ ಒಂದು ಲೇಖನವನ್ನು ನಮ್ಮ ಆಂಗ್ಲ ಸಾಹಿತ್ಯ ವಿದ್ವಾಂಸರೊಬ್ಬರಿಂದ ಬರೆಸೋಣ' ಎಂದು ಆಸೆಯಾಗಿ ನಾನು ಶ್ರೀ ಎಲ್.ಎಸ್. ಶೇಷಗಿರಿರಾಯರನ್ನು ಬೇಡಿದೆನು. ಅವರು ವಿಶ್ವಾಸದಿಂದ ಒಪ್ಪಿ ಸುಂದರವಾದ ಒಂದು ಲೇಖನವನ್ನು ಒದಗಿಸಿದ್ದಾರೆ. ಅದನ್ನು ಈ ಪುಸ್ತಕದಲ್ಲಿ ಸೇರಿಸಿದೆ. ಈ ಉಪಕಾರಕ್ಕಾಗಿ ನಾನು ಶ್ರೀಯುತರಿಗೆ ವಂದನೆ ಸಲ್ಲಿಸುತ್ತೇನೆ.

ಭಾಷಾಂತರದ ಕ್ರಮ ತಿಳಿಯಲಿ ಎಂದು, ಕವಿಯ ವಾಕ್ಯಗಳ ಭಾವ ವಿಶದವಾಗಲಿ ಎಂದು, ಈ ಮೊದಲ ನಾಲ್ಕು, ಪುಸ್ತಕಗಳಲ್ಲಿ ಟಿಪ್ಪಣಿಗಳನ್ನು ಕೊಟ್ಟಿತ್ತು. ಈ ಪುಸ್ತಕದಲ್ಲಿ ಅವುಗಳ ಕ್ರಮವನ್ನೇ ಅನುಸರಿಸಿದೆಯಾಗಿ, ಟಿಪ್ಪಣಿಗಳು ಅನವಶ್ಯಕ ಎಂದು ತೋರಿ ಅವನ್ನು ಬಿಟ್ಟಿದೆ.

-ಮಾಸ್ತಿ ವೆಂಕಟೇಶ ಅಯ್ಯಂಗಾರ್