ಅಕಥ ಕಥಾ

ಬದುಕಿನಲ್ಲಿ ಮುಖಾಮುಖಿಯಾಗುವ ಸಂಘರ್ಷಗಳನ್ನು ನೈತಿಕ ನೆಲೆಯಲ್ಲಿ ಎದುರಿಸಬೇಕೋ, ಅಥವ ಲೌಕಿಕತೆ ಒದಗಿಸುವ ಸಹಜ ಸಂಗತಿಗಳ ಮೂಲಕ ಪರಿಹರಿಸಿಕೊಳ್ಳಬೇಕೊ ? ಕ್ಕಗ್ಗಟಿನಂತಿರುವ ಸಂಬಂಧಗಳ ಸಿಕ್ಕ ಬಿಡಿಸುವ, ಹರಿಯದಂತೆ ಕಳಚಿಕೊಳ್ಳುವ ಗೋಚರಾಗೋಚರ ದಾರಿ ಯಾವಿರ ಬಹುದು...

ಮಾನವೀಯತೆ, ಅನುಕಂಪ, ಅಂತಃರಣ ತುಂಬಿದ ನಡವಳಿಕೆ ಆ ಕ್ಷಾಣದ ಮುಕ್ತಿಯನು ಒದಗಿಸಲಾರವೆ.... ಇಂತಹ ಕಾತ್ವಿಕ ಪ್ರಶ್ನೆಗಳನು ಈ ಕಥೆಗಳು ಎತ್ತುತ್ತದೆ.

ದಶಕಗಳಿಂದ ಮುಕ್ತ ಛಂದಸ್ಸಿನ 'ಕಥನ ಮಾರ್ಗ'ದಲ್ಲಿ ನಾನು ಕಂಡುಕೊಳ್ಳಲು ಯತ್ನಿಸುತ್ತಿರುವ, ಬದುಕಿನ ಮತ್ತು ಅನುಭವಗಳ ಅರ್ಥವೇನಾಗಿರಬಹುದು, ಎಂದು ಶೋಧಿಸುವುದು ಈ ಕಥನ ಮಾರ್ಗದ ಗುರಿಯಾಗಿದೆ. ಈ ಕಥೆಗಳ ಅಂತಃಕರಣದ ಬೇಕುಗಳು ಒಂದರೊಳಗೊಂದು ಕೂಡಿಕೊಂಡಿದ್ದರೂ ಪ್ರತ್ಯೇಕ ಅಸ್ತಿತ್ವ ಪಡೆದಿವೆ. ತಥಾಕಥಿ ಸಿದ್ಧಮಾದರಿ, ಅಲಂಕಾರಿ ಶೈಲಿ, ತೋರಿಕೆಯ ನವಿರುತನಗಳಿಂದ ಹೊರತಾಗಿವೆ. 

-ಕೇಶವ ಮಳಗಿ