ಆಸೆಗಳ ಬದಿಗೊತ್ತಿ ಕನಸುಗಳ ಬೆನ್ನುಹತ್ತಿ

"ಸಾಧನೆಯ ಕನಸು ಕಾಣುವವರಿಗೆ ಸ್ಫೂರ್ತಿ ನೀಡುವ ದಾರಿ ದೀಪ! ಯುವ ಪೀಳಿಗೆಗೆ ಪ್ರೇರಣೆ ನೀಡುವ ಪ್ರಬಂಧಗಳ ವಿಶೇಷ ಸಂಗ್ರಹ."

ಸ್ನೇಹ ಬುಕ್ ಹೌಸ್ನಿಂದ ಹೊರಬಂದಿರುವ ಹಾಗೂ ಬಹುಮುಖ ಪ್ರತಿಭಾವಂತರಾದ ಜಿ.ಎಲ್. ತ್ರಿಪುರಾಂತಕ ಅವರು ರಚಿಸಿರುವ 'ಆಸೆಗಳ ಬದಿಗೊತ್ತಿ ಕನಸುಗಳ ಬೆನ್ನುಹತ್ತಿ...' ಕೃತಿಯು ವ್ಯಕ್ತಿತ್ವ ವಿಕಸನ ಹಾಗೂ ಜೀವನದ ನೈಜ ಸಾಧನೆಯ ಬಾಗಿಲುಗಳನ್ನು ತೆರೆಯುವ ಪ್ರೇರಣಾದಾಯಿ ಲೇಖನಗಳ ಕೃತಿಯಾಗಿದೆ. ಸುಮಾರು ಮೂವತ್ತಾರು ಬಿಡಿ ಲೇಖನಗಳ ಈ ಸಂಕಲನವು ಬಾಲ್ಯದಿಂದ ವೃದ್ಧಾಪ್ಯದವರೆಗಿನ ಪ್ರತಿಯೊಬ್ಬ ಓದುಗರಿಗೂ ಮಾರ್ಗದರ್ಶನ ನೀಡುತ್ತದೆ.

ಸೋಲು-ಸಂಕಟಗಳಿಂದ ನೊಂದವರಿಗೆ ಸ್ಫೂರ್ತಿಯ ಚಿಲುಮೆಯಾಗಬಲ್ಲ ಈ ಪುಸ್ತಕವು, ಯುವಜನತೆಗೆ ಹೋರಾಟದ ಹಾದಿಯಲ್ಲಿ ಸುಗಮವಾಗಿ ಸಾಗಲು ಸಹಾಯ ಮಾಡುತ್ತದೆ. ಸ್ವಾಮಿ ವಿವೇಕಾನಂದರ ತತ್ತ್ವಗಳು ಹಾಗೂ ಸಮಾಜದ ವಿವಿಧ ಸಾಧಕರ ಬದುಕಿನ ಉದಾಹರಣೆಗಳೊಂದಿಗೆ ಈ ಕೃತಿಯು ಮೂಡಿಬಂದಿದೆ. ಪ್ರೊಫೆಸರ್ ಡಾ. ಪ್ರಸನ್ನ ಸಂತೇಕಡೂರು ಅವರು ಈ ಪುಸ್ತಕಕ್ಕೆ ನೀಡಿದ ಬೆನ್ನುಡಿಯ ಮಾತುಗಳು ಇದರ ಗಂಭೀರತೆಯನ್ನು ಎತ್ತಿಹಿಡಿಯುತ್ತವೆ.