ವಿದ್ಯಾ ಸಂಪನ್ನ ಕನ್ನಡಿಗರು

ಕನ್ನಡ ನಾಡುನುಡಿಗೆ ವಿವಿಧ ಕ್ಷೇತ್ರಗಳಲ್ಲಿ ತಮ್ಮ ಪ್ರತಿಭೆ, ವ್ಯಾಸಂಗ ಕೌಶಲ, ಅನುಭವ, ಸಮಯ, ಕರ್ತವ್ಯಪ್ರಜ್ಞೆಗಳನ್ನು ಧಾರೆ ಎರೆದಿರುವವರು ಲಕ್ಷಾಂತರ ಮಂದಿ. ಈ ಲಕ್ಷಾಂತರ ಕನ್ನಡಿಗರಲ್ಲಿ ಭಾಷಾಪ್ರೇಮ ಪ್ರಕಟವಾದ ರೀತಿ ಅವರನ್ನು ಸ್ಮರಣಯೋಗ್ಯರನ್ನಾಗಿ ಮಾಡಿದೆ. ನಾನು ಮೊದಲನೆಯ ಭಾಗ 'ನಮ್ಮ ಹೆಮ್ಮೆಯ ಕನ್ನಡಿಗರು'ನಲ್ಲಿ ಚಿಂತಕರು, ಆಧ್ಯಾತ್ಮಜೀವಿಗಳು, ಸಮಾಜ ಸೇವಕರು, ಆಡಳಿತಗಾರರು, ರಾಜಕಾರಣಿಗಳು ಮತ್ತು ಕಲೋಪಾಸಕರನ್ನು; ಎರಡನೆಯ ಭಾಗದಲ್ಲಿ ಆದರ್ಶ ಅಧ್ಯಾಪಕರು, ಸಂಶೋಧಕರು, ದಾರ್ಶನಿಕರನ್ನು ಹಾಗೂ ಮೂರನೆಯ ಭಾಗದಲ್ಲಿ 725 ಸಾಹಿತಿಗಳನ್ನು ರಸಪ್ರಶ್ನೆಗಳ ರೂಪದಲ್ಲಿ ಸ್ಮರಿಸಿಕೊಂಡಿದ್ದೇನೆ. ಪುಸ್ತಕದ ಗಾತ್ರದ ದೃಷ್ಟಿಯಿಂದ ಕೇವಲ ಕೆಲವರನ್ನೇ ಆರಿಸಿಕೊಳ್ಳುವುದು ಅನಿವಾರ್ಯವಾಯಿತು.

-ಸಂಪಟೂರು ವಿಶ್ವನಾಥ್