Customer Reviews
ಹಲವು ದಿನಗಳ ನಂತರ ಏಕಾಂತವಾಗಿ ಕುಳಿತು ಮೇಘನಾ ರವರು ಬರೆದಿರುವ ಲೈಫ್ ನಲ್ಲೊಂದು ಯೂ ಟರ್ನ್ ಪುಸ್ತಕವನ್ನು ಓದಿದೆ.
ಮೊದಲಿಗೆ ನನ್ನನ್ನು ಆಕರ್ಷಿಸಿದ್ದು ಈ ಪುಸ್ತಕದ ಮುಖಪುಟದ ಚಿತ್ರ. ಏನೋ ಒಂದು ಕುತೂಹಲಕಾರಿ ವಿಷಯ ಈ ಪುಸ್ತಕದಲ್ಲಿ ಅಡಗಿದೆ ಎಂಬಂತೆ ಭಾಸವಾಗುತ್ತದೆ. ಮುಖಪುಟದಲ್ಲಿ ಕುಳಿತಿರುವ ವಾಹನದ ಚಾಲಕಿ ಮೇಘನ ಅವರು ಓದುಗರು ಅದರ ಹಿಂದಿನ ಸೀಟಿನಲ್ಲಿ ಕುಳಿತು ಪಯಣದ ಆನಂದ ಸವಿಯುವ ಪ್ರಯಾಣಿಕರಾಗಿರುತ್ತಾರೆ. ಲೇಖಕಿ ಪ್ರತಿಯೊಂದು ಕಥೆಗೂ ಅದರ ಪಾತ್ರಕ್ಕೂ ಉತ್ತಮವಾದ ಕೊಡುಗೆ ನೀಡಿದ್ದಾರೆ. ಜೊತೆಗೆ ಈ ಕಥೆಗಳಿಗೆ ನ್ಯಾಯಯುತವಾದ ಮುಕ್ತಾಯವನ್ನು ನೀಡಿದ್ದಾರೆ. ಕೆಲವು ಕಡೆ ಪಾತ್ರ ನಾವಾದರೆ, ಇನ್ನೂ ಹಲವು ಕಡೆ ನಮ್ಮ ಸುತ್ತಲೂ ಗೊಂದಲದಲ್ಲಿ ಬದುಕುತ್ತಿರುವ ಪ್ರತಿ ಹೆಣ್ಣು ಅನುಭವಿಸುತ್ತಿರುವ ಸಾಮಾಜಿಕ ಸಮಸ್ಯೆಗಳ ಚಿತ್ರಣ ಕೆಲವು ಪಾತ್ರವಾಗಿ ಕಾಡಿತು.
ಕೆಲವು ಕಥೆಗಳು ಇನ್ನಷ್ಟು ನಮ್ಮನ್ನು ಕಾಡಿಸಬಹುದಾಗಿತ್ತು. ಪಾತ್ರವೂ ಇನ್ನಷ್ಟು ನಮ್ಮ ಜೊತೆ ಮಾತಾಡಬೇಕಾಗಿತ್ತು ಎಂಬ ಹತಾಶೆ ಕೂಡ ಓದುಗಳಾಗಿ ನನ್ನನ್ನು ಕಾಡಿತು. ಒಟ್ಟಿನಲ್ಲಿ ಖಂಡಿತವಾಗಲೂ ಕೊಂಡು ಓದಬಹುದಾದ ಪುಸ್ತಕ. ಲೇಖಕಿ
ಮೇಘನ ಕಾನೇಟ್ಕರ್ ಅವರು ಇನ್ನಷ್ಟು ಕಥೆ ಕವನ ಕಾದಂಬರಿಗಳನ್ನು ನೀಡಿ ಕನ್ನಡ ಸಾಹಿತ್ಯ ಕ್ಷೇತ್ರದಲ್ಲಿ ಮುಂದುವರೆಯಲಿ ಶುಭವಾಗಲಿ.
