ಕಿಷ್ ಕಿನ್ಧಾ ಕಾಂಡ

ಡಾ. ಬನ್ನಂಜೆ ಗೋವಿಂದಾಚಾರ್ಯರ ಬರೆವಣಿಗೆಯ ಪ್ರಕಾರವನ್ನು ಇತ್ತೀಚಿನ ದಿನಗಳಲ್ಲಿ ಕಂಡವರು ಬಹಳ ವಿರಳ.

ಸುಮಾರು ೪ ದಶಕಗಳ ಹಿಂದೆ ಉದಯವಾಣಿ ದಿನ ಪತ್ರಿಕೆಯಲ್ಲಿ ಪ್ರಕಟವಾಗುತ್ತಿದ್ದ 'ಕಿಷ್ಕಿಂಧಾಕಾಂಡ' ಎಂಬ ಸಾಮಾಜಿಕ ಮತ್ತು ರಾಜಕೀಯ ವಿಚಾರಗಳ ವಿಡಂಬನಾತ್ಮಕವಾದ ಈ ಲೇಖನಮಾಲೆ ಅಂದಿನ ದಿನಗಳಲ್ಲಿ ಎಷ್ಟು ಪ್ರಸಿದ್ದಿ ಪಡೆದಿತ್ತು ಎಂದರೆ ಈ ಲೇಖನ ಮಾಲೆಗಾಗಿಯೇ ಪತ್ರಿಕೆಯನ್ನು ಕಾದು ಓದುವ ವರ್ಗ ಒಂದು ನಿರ್ಮಾಣವಾಗಿತ್ತು ಎಂದರೆ ಅತಿಶಯೋಕ್ತಿ ಆಗಲಾರದು.

ಇಂದಿರಾಗಾಂಧಿ ಸರಕಾರದ ತುರ್ತುಪರಿಸ್ಥಿತಿ ಘೋಷಣೆ ಹಿನ್ನೆಲೆಯಲ್ಲಿ ಈ ಲೇಖನ ಪ್ರಕಟಣೆಗೆ ಅಡ್ಡಿ ಬಂತು. ಆ ಬಳಿಕ ಈ ಬರವಣಿಗೆಯನ್ನು ಸ್ಥಗಿತಗೊಳಿಸಿದ ಬನ್ನಂಜೆಯವರು ಮುಂದೆ ಈ ತೆರನಾದ ಲೇಖನವನ್ನು ಬರೆಯುವ ಪರಿಪಾಠವಿಂದ ವಿಮುಖರಾದರು ಎಂದರೂ ತಪ್ಪಾಗಲಾರದು. ಆ ಹಳೆಯ ದಿನಗಳ ಆಯ್ದ ಲೇಖನಗಳನ್ನು ಇಲ್ಲಿ ಸಂಗ್ರಹಿಸಿ ಪ್ರಕಟಿಸಲಾಗಿದೆ.