ಶ್ರೀಮತಿ ಆರ್ ಕೆ ಆಶಾ ಪ್ರಮೋದ್ ರವರ ಕಡಲಾಳದ ಕಥೆಗಳು ಕಾದಂಬರಿ ಅದಮ್ಯ ಪ್ರಕಾಶನದಡಿ ಮೂಡಿಬಂದಿದೆ. ಒಟ್ಟಾರೆಯಾಗಿ ಪುಸ್ತಕ ಪ್ರೇಮ-ಕಾಮ ಇವೆರಡರ ವ್ಯತ್ಯಾಸವನ್ನು ಎತ್ತಿ ಹಿಡಿದಿದೆ. ಆರಂಭದಲ್ಲಿ ಲೇಖಕಿ ಸಮುದ್ರ ತೀರದ ಪ್ರಕೃತಿ ಸೌಂದರ್ಯವನ್ನು ಕಣ್ಣಮುಂದೆ ತಂದಿದ್ದಾರೆ. ನಂತರ ಕಥೆಯ ಪಾತ್ರಗಳಾದ ಸತ್ಯಪ್ಪ, ಲೋಕಿ, ನಾಣಯ್ಯ, ಸರಸ್ವತಿ, ಶಶಿ, ಚಂದ್ರಶೇಖರ ಪಾಟೀಲ, ನಳಿನ, ಜಯ ಮುಂತಾದವರು ಕಥೆಗೆ ಜೀವ ತುಂಬಿರುತ್ತಾರೆ. ಕ್ವಾಟರ್ಸಿನಲ್ಲಿ ನಡೆದ ಘಟನೆಗಳು, ಸತ್ಯ ಮತ್ತು ನಾಣಯ್ಯ ಬೆನ್ನತ್ತಿದ ರೀತಿ, ಮಂಗಳೂರಿನಲ್ಲಿ ಮೂವರು ಪತ್ರ ಓದುತ್ತಾ ಶಶಿ ಸಾವಿನ ರಹಸ್ಯ ಬಿಚಿಟ್ಟಿದ್ದು, ಸರಸ್ವತಿ ಶಶಿ ಸಾವಿನ ಸಮಾರೋಪ ನೀಡಿದ್ದು ಎಲ್ಲವೂ ಕಣ್ಣು ಕಟ್ಟಿದಂತಿದೆ. ನಿಜಕ್ಕೂ ಕಥೆಯಲ್ಲಿ ಕಂಡ ಅನೇಕ ತಿರುವುಗಳು ಸತ್ಯನ ಅತ್ತೆ ಮಗಳು ಜಯ ಮತ್ತು ಲೋಕಿ ಸೇರಿದ ಹುಡುಗಿ ಒಬ್ಬಳೇ ಆಗಿದ್ದು, ಹಾಗೂ ಲೋಕಿ ಪ್ರೀತಿಸಿದ ಹುಡುಗಿ ನಳಿನ ಚಂದ್ರು ಸರ್ ಅವರ ಮಡದಿಯಾಗಿದ್ದು, ಕೊನೆಗೆ ಶಶಿ ಗರ್ಭವತಿಯಾದಂತಹ ಕುತೂಹಲಕಾರಿ ಸಂಗತಿಗಳು ಓದುಗರ ಗಮನವನ್ನು ಅತ್ತಿತ್ತ ಮಾಡುವುದಿಲ್ಲ. ನಿಜಕ್ಕೂ ಕಥೆ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾದ ರೀತಿ ಮೂಡಿ ಬಂದಿದೆ. ಒಂದೆರಡು ಬಾರಿ ಕಥೆಯಲ್ಲಿ ಕಾಮದ ಬಗ್ಗೆ ಬರೆದಿದ್ದಾರೆ ಆದರೆ ಎಲ್ಲೂ ಓದುಗರಿಗೆ ಮುಜುಗರ ನೀಡದಂತಿರುವುದು ಶ್ಲಾಘನೀಯ. ಲೇಖಕಿಯೊಬ್ಬರು ಅಧಿಕಾರಿ ಆದರಿಂದ ಕಚೇರಿಯಲ್ಲಿನ ಹಾಗೂ ಕಚೇರಿಯ ಹೊರಗೆ ನಡೆಯುವ ಜೀವನ ವೈಖರಿಗಳನ್ನು ಅಚ್ಚುಕಟ್ಟಾಗಿ ತಂದಿದ್ದಾರೆ ವೈಯಕ್ತಿಕವಾಗಿ ನಾನು ತಿಳಿದದ್ದು ಶಶಿ ಮತ್ತು ಲೋಕಿ ಇಬ್ಬರು ಗಂಡ-ಹೆಂಡತಿ ಅವರ ನಡುವೆ ಪ್ರೇಮವಿತ್ತು ಕಾಮವಿರಲಿಲ್ಲ ಅದೇ ಚಂದ್ರು ಸರ್ ಮತ್ತು ಶಶಿ ನಡುವೆ ಯಾವುದೇ ಭಾವನೆ ಇರಲಿಲ್ಲ ಆದರೆ ಕಾಮ ನಡೆದಿತ್ತು. ಈ ಅತ್ಯುತ್ತಮ ಕಾದಂಬರಿ ಪ್ರಯತ್ನಕ್ಕೆ ನನ್ನ ನಮನಗಳು.

ಈ ಕಾದಂಬರಿಯು ಕಡಲ ತೀರದ
ಹಿನ್ನೆಲೆಯಲ್ಲಿ ನಡೆಯುವ ಕಥೆಗಳನ್ನು ಒಳಗೊಂಡಿದೆ. ಶೀರ್ಷಿಕೆಯು ಸೂಚಿಸುವಂತೆ, ಇದು ಜೀವನದ ಆಳವಾದ, ಕೆಲವೊಮ್ಮೆ ಅಜ್ಞಾತವಾದ, ಕಡಲೊಳಗಿನ ರಹಸ್ಯಗಳಂತಹ ಕಥಾನಕಗಳನ್ನು ತೆರೆದಿಡುತ್ತದೆ.
Must read book.. Don't miss

ಕಡಲಾಳದ ಕಥೆಗಳು

ನಮಸ್ತೆ ಲೇಖಕಿ ಆಶಾ ಮೇಡಂ,
ನೀವು ಬರೆದಿರುವ ಕಡಲಾಳಾದ ಕಥೆಗಳು ಪುಸ್ತಕವನ್ನು ಓದಿದೆ.
ಕಥೆಗೆ ಮೊದಲು ಬರೆದಿರುವ ಸಮುದ್ರದ ವರ್ಣನೆ ಅದ್ಭುತವಾಗಿದೆ. ಕವಿಗಳು ವರ್ಣಿಸಿದ ಹಾಗೆ ಇತ್ತು. ಪಾದಗಳ ಬಳಕೆ, ಜೋಡಣೆ, ಓದುಗರಿಗೆ ಮೆಚ್ಚುಗೆ ಆಗುವ ರೀತಿ ಇದೆ.
ಕಥೆ ಅಂತೂ ತುಂಬಾ ಚೆನ್ನಾಗಿ ಮೂಡಿ ಬಂದಿದೆ. ಸಸ್ಪೆನ್ಸ್ ಥ್ರಿಲ್ಲರ್ ತರಹ ಇದೆ. ಕೊನೆಯವರೆಗೂ ಏನು ಊಹಿಸಿ ಕೊಳ್ಳಲು ಆಗುವುದಿಲ್ಲ. ಬದುಕು ಎಷ್ಟು ಅನಿಶ್ಚಿತ ಅನ್ನುವುದನ್ನು ತುಂಬಾ ಚೆನ್ನಾಗಿ ಬರೆದಿದ್ದೀರ. ಹಾಗು ಸಮಯ ಸಂದರ್ಭಗಳು ಮನುಷ್ಯನನ್ನು ಹೇಗೆಲ್ಲ ಆಟ ಆಡಿಸುತ್ತವೆ, ಶಿಕ್ಷಿತರು ತಮ್ಮ ಅತಿ ಬುದ್ಧಿಯಿಂದ ಹೇಗೆ ಜೀವನದಲ್ಲಿ ಸಂದಿಗ್ಧ ಪರಿಸ್ತಿಗೆ ತಂದು ಕೊಳ್ಳುತ್ತಾರೆ, ಅದೇ, ಆಶಿಕ್ಷಿತರು ಸರಳವಾಗಿ ಯೋಚಿಸುತ್ತಾ ಸುಖವಾಗಿ ಶಾಂತವಾಗಿ ಜೀವನ ಸಾಗಿಸುತ್ತಾರೆ. ಇವೆಲ್ಲವನ್ನೂ ತುಂಬಾ ಚೆನ್ನಾಗಿ ಹೆಣೆದಿದ್ದೀರಾ😊
ಕೊನೆಯ ಸಾಲು ಜೀವನ ಯಾರನ್ನು ಅಷ್ಟು ಸುಲಭವಾಗಿ ಬಿಡುವುದಿಲ್ಲ ಅನ್ನೋದನ್ನು ತೋರಿಸಿದ್ದೀರ.
ನಿಮಗೆ ಧನ್ಯವಾದಗಳು.🙏
ಹಾಗು ನಿಮ್ಮ ಬರವಣಿಗೆಗೆ ಅಭಿನಂದನೆಗಳು💐💗

ಕಡಲಾಳದ ಕಥೆಗಳು " ಲೇಖಕರು ಶ್ರೀಮತಿ ಆರ್.ಕೆ. ಆಶಾ ಪ್ರಮೋದ್.

ಕಡಲಾಳದ ಕಥೆಗಳಲ್ಲಿನ ಒಡಲಾಳಗಳು, ( ಲೋಕೇಶ್, ನಳಿನಿ, ಶಶಿ, ಚಂದ್ರಶೇಖರ್ ಚೌದರಿ, ಜಯ ಮತ್ತು ಸತ್ಯ) ಸಾಗರದ ಅಲೆಗಳು ದಡಕ್ಕೆ ಅಪ್ಪಳಿಸಿದಂತೆಯೇ... ಒಬ್ಬೊಬ್ಬರು ಒಬ್ಬೊಬ್ಬರಿಗೆ ಒಂದೊಂದು ರೀತಿಯಲ್ಲಿ ಬಂದು ಅಪ್ಪಳಿಸಿ.... ಒಂದೊಂದು ತರಹದ ಅನುಭವವನ್ನು ನೀಡಿ, ಮನಸ್ಥಿತಿ ಹಾಗೂ ಪರಿಸ್ಥಿತಿಗಳಿಂದ ಎಲ್ಲೆಲ್ಲಿ ಕಳೆದು ಹೋದರೋ, ಅಲ್ಲಲೇ ತಮಗೆ ಅರಿವಿಲ್ಲದೇ ತಮ್ಮ ತಮ್ಮಲ್ಲೇ ಬೆಸೆದುಕೊಂಡಿದ್ದರು ಸಹ, ಕದಡಿ ಕಣ್ಮರೆಯಲ್ಲಿದ್ದವರನ್ನು, ತಮ್ಮ ಬೆರಗು ಮಾಡುವಂತಹ ಬರವಣಿಗೆಯ ಕಲೆಯಿಂದ, ಹತ್ತಾರು ಮೂಲಗಳಿಂದ ಹರಿದು ಬಂದ ನದಿಗಳು ಕೊನೆಗೆ ಸಾಗರದಲ್ಲಿ ಸಂಗಮವಾದಂತೆ, ಎಲ್ಲರನ್ನೂ ತಮ್ಮ ಒಕ್ಕಣಿಕೆಯ ಮೂಲಕ ಹಿಡಿದಿಟ್ಟ ಬಗೆಯು, ಒಂದು ಕ್ಷಣ ಭೂಮಿ ದುಂಡಗಿದೆ ಎಂಬುದನ್ನು ಮತ್ತೂಮ್ಮೆ ನೆನಪಿಸುತ್ತದೆ. ಇದೆಲ್ಲವೂ ಸಾದ್ಯವೇ..? ಹೀಗೂ ಉಂಟೆ.... ? ಎಂಬಂತೆ ಮಾಡುತ್ತದೆ. " ಕಡಲಾಳದ ಕಥೆಗಳ " ಕೊನೆಯ 108 ನೇ ಪುಟ ಮುಗಿದ ತಕ್ಷಣ ನಿಟ್ಟುಸಿರು......... ಬಿಡುವಂತೆ ಹಾಗೂ ಮೂಕವಿಸ್ಮಿತರನ್ನಾಗಿ ಮಾಡುವ ಬರವಣಿಗೆಯ ಕಲೆ ಅದ್ಭುತವೆ ಸರಿ. ಇಂತಹ ಯೋಚನಾ ಶಕ್ತಿಯೇ ಅಗಾಧವಾದದ್ದು.

ಇಡೀ ಕಾದಂಬರಿಯನ್ನು ಓದಿದ್ದೇನೆ ಎಂಬುವುದಕ್ಕಿಂತ, ಅಲ್ಲೇ ಎಲ್ಲೋ ನಿಂತು ನೋಡಿದ್ದೇನೇ ಎಂಬಂತೆ, ಓದಿರುವುದೆಲ್ಲವು ಚಿತ್ರವಾಗಿ ಕಣ್ಣಿಗೆ ಕಟ್ಟಿದಂತಿದೆ.

ಕೆಲವು ಪುಸ್ತಕಗಳು ಬರೆದು ಈಗ ಅಷ್ಟೇ ಸಾಹಿತ್ಯ ಲೋಕಕ್ಕೆ ಪರಿಚಯವಾಗುತ್ತಿರುವ ಉದಯೋನ್ಮುಖ ಲೇಖಕರಂತೆ ಅಲ್ಲದೇ, ಈಗಾಗಲೇ ಸಾಹಿತ್ಯ ಲೋಕಕ್ಕೆ ಪರಿಚಯವಿರುವ ತುಂಬಾ ಹಳೆಯ ಸಾಹಿತಿಗಳು ಬರಿದಿರುವವರಂತೆ ಭಾಸವಾಗುತ್ತದೆ.

ತಾವು ಇನ್ನೂ ನೂರಾರು ಬೆರಗು ಮಾಡುವಂತಹ ಬರಹಗಳನ್ನು ಸಹೃದಯರಿಗೆ ನೀಡಬೇಕಾಗಿ ವಿನಂತಿ.

ನಮಸ್ಕಾರಗಳೊಂದಿಗೆ...🙏🏻🙏🏻🙏🏻
ಇಂತಿ ತಮ್ಮ ಸಹೃದಯಿ!!
ಅನಿತಾ..