ಅಮ್ಮ ಹೇಳಿದ ಗೆಲುವಿನ ಕಥೆಗಳು

"ಮಕ್ಕಳಲ್ಲಿ ಕಲ್ಪನಾಶಕ್ತಿ, ಸೃಜನಶೀಲತೆ ಹಾಗೂ ವಿಚಾರಶಕ್ತಿಯನ್ನು ಜಾಗೃತಗೊಳಿಸುವ ಪ್ರೇರಣಾದಾಯಿ ಕಥೆಗಳ ದ್ವಿಭಾಷಾ ಅಪೂರ್ವ ಸಂಗ್ರಹ!"

ಖ್ಯಾತ ಲೇಖಕ ಹಾಗೂ ಚಿಂತಕ ಯಂಡಮೂರಿ ವೀರೆಂದ್ರನಾಥ್ (Yandamoori Veerendranath) ಅವರ ಅಮ್ಮ ಹೇಳಿದ ಗೆಲುವಿನ ಕಥೆಗಳು ಕೃತಿಯು ಕನ್ನಡ ಮತ್ತು ಇಂಗ್ಲಿಷ್ (Bilingual) ಎರಡು ಭಾಷೆಗಳಲ್ಲಿ ಮೂಡಿಬಂದಿರುವ ಸಾಹಿತ್ಯ ಪ್ರಕಾಶನ, ಹುಬ್ಬಳ್ಳಿ (Sahitya Prakashan, Hubli) ಅವರ ಪ್ರಕಟಣೆಯಾಗಿದೆ.

ಆ ದಿನಗಳಲ್ಲಿ ಅಮ್ಮ ರಾತ್ರಿಯಾದೊಡನೆ ಮಕ್ಕಳನ್ನು ಪಕ್ಕದಲ್ಲಿ ಮಲಗಿಸಿಕೊಂಡು, ಆಪ್ಯಾಯತೆ ಹಾಗೂ ಅನುಬಂಧದ ಸಿಹಿ ಕಥೆಗಳನ್ನು ಹೇಳುತ್ತಾ ಮಲಗಿಸುತ್ತಿದ್ದ ಅಪರೂಪದ ದೃಶ್ಯಗಳು ಇಂದಿನ ಸ್ಮಾರ್ಟ್ಫೋನ್ ಯುಗದಲ್ಲಿ ಕಣ್ಮರೆಯಾಗುತ್ತಿವೆ. ಮಕ್ಕಳಲ್ಲಿ ಪ್ರಶ್ನಿಸುವ ಶಕ್ತಿ, ವಿವೇಚನೆ, ವಿಚಾರಶಕ್ತಿ, ಕಲ್ಪನಾಶಕ್ತಿ ಹಾಗೂ ಸೃಜನಶೀಲತೆಯನ್ನು ವಿಸ್ತರಿಸಲು ಕಥೆಗಳು ಅತ್ಯಗತ್ಯ.

ಈ ಅಮೂಲ್ಯವಾದ ಅನುಭೂತಿಯನ್ನು ಮತ್ತೆ ಮಕ್ಕಳ ಜೀವನದಲ್ಲಿ ತರಬೇಕೆಂಬ ಸಂಕಲ್ಪದಿಂದ ರಚನೆಯಾಗಿರುವ ಈ ಕಥೆಗಳು ಕೇವಲ ವಿನೋದಕ್ಕಷ್ಟೇ ಅಲ್ಲದೆ, ಯುವ ಮನಸ್ಸುಗಳನ್ನು ಚಿಂತನೆಗೆ ಹಚ್ಚಿ ಗೆಲುವಿನ ಹಾದಿಯಲ್ಲಿ ಮುನ್ನಡೆಸುತ್ತವೆ.