ನಗೆ ಬುಗ್ಗೆ

ನಕ್ಕರೆ ಅದೇ ಸ್ವರ್ಗ ! ನಗಬೇಕು, ನಗೆ ಬೇಕು ಬರಡು ಬದುಕಿನಲ್ಲಿ ! ಮುದುಡಿದ ಮನಸ್ಸಿಗೆ ನಗೆಯಂಥ ಸಿಹಿಮದ್ದು ಇನ್ನೊಂದಿಲ್ಲ ! ಈ ಧಾವಂತದ ದಿನಗಳಲ್ಲಿ ನಗುವನ್ನು ಮರೆಯುವಂತೆಯೇ ಇಲ್ಲ.

ನೀವು ಕಿಸೆಯಲ್ಲಿರಿಸಿಕೊಳ್ಳಬಹುದಾದ ಈ 'ನಗೆ ಬುಗ್ಗೆ ಯನ್ನು ಚಿಮ್ಮಿಸಿರುವ ಖ್ಯಾತ ನಗೆ ಬರಹಗಾರರಾದ ಶ್ರೀ ಎಸ್. ಎನ್. ಶಿವಸ್ವಾಮಿಯವರು ಆಕಾಶವಾಣಿಯಲ್ಲಿ ಸೇವೆ ಸಲ್ಲಿಸಿದ್ದರು. ಕಚಗುಳಿಯಾಡಿಸಿ ನಗಿಸುವಂಥ ಈ ನಗೆ ತುಣುಕುಗಳಿಗೆ ಸೂಕ್ತ ಚಿತ್ರಗಳನ್ನು ಬಿಡಿಸಿ ನಗೆಯ ಅಬ್ಬರವನ್ನು ಮತ್ತಷ್ಟು ಹೆಚ್ಚಿಸಿದ್ದಾರೆ ಶ್ರೀ ಗುಜ್ಜಾರ್.

ಕಿಸೆಯಲ್ಲಿನ ಕಚಗುಳಿ ಮಾಲೆಯಲ್ಲಿ ಇವರ 'ನಗೆ ಗೊಂಚಲು', 'ನಗೆ ಮುಗಿಲು', 'ನಗೆ ಮಿಂಚು' ಮತ್ತು “ನಗೆ ತುಂತುರು' ನವಕರ್ನಾಟಕದಿಂದ ಪ್ರಕಟವಾಗಿವೆ.