ಮಿದುಳು

ಶರೀರಕ್ಕೆ ಶಿರವೇ ಭೂಷಣ. ಶಿರದಲ್ಲಿರುವ ಮಿದುಳು ನಮ್ಮೆಲ್ಲ ಚಟುವಟಿಕೆಗಳನ್ನು ನಿರ್ದೇಶಿಸಿ ನಿಯಂತ್ರಿಸುತ್ತದೆ.

ನಮ್ಮ ಮನಸ್ಸಿನ ಸ್ಥಾನವೂ ಮಿದುಳೇ, ಮಿದುಳು ಸೃಷ್ಟಿಯ ಒಂದು ಅದ್ಭುತ ರಚನೆ. ಅದರ ಸಾಮರ್ಥ್ಯ, ಕಾರ್ಯವೈಖರಿ ಮತ್ತು ಆರೋಗ್ಯ ಸ್ಥಿತಿ ನಮ್ಮ ಅಳಿವು-ಉಳಿವನ್ನು, ಪ್ರಗತಿ ಹಾಗೂ ಹಿನ್ನಡೆಯನ್ನು ನಿರ್ಧರಿಸುತ್ತದೆ.

ಮಿದುಳಿನ ರಚನೆ, ಕಾರ್ಯವಿಧಾನ, ಅದರ ನ್ಯೂನತೆಗಳು ಮತ್ತು ಪರಿಣಾಮ, ಬುದ್ಧಿಮಾಂದ್ಯತೆ, ಮಾನಸಿಕ ಕಾಯಿಲೆಗಳಿಗೂ ಮಿದುಳಿಗೂ ಇರುವ ಸಂಬಂಧ, ಒಂದಲ್ಲ ಒಂದು ಸಲ ನಮ್ಮೆಲ್ಲರನ್ನು ಕಾಡುವ ತಲೆನೋವಿನ ವಿಧಗಳು ಮತ್ತು ಪರಿಹಾರ ಇಷ್ಟೆಲ್ಲಾ ಮಾಹಿತಿ ಈ ಪುಟ್ಟ ಪುಸ್ತಕದಲ್ಲಿ ಓದಿ, ನಿಮ್ಮ ಮಿದುಳಿನ ಬಗ್ಗೆ ತಿಳಿದುಕೊಳ್ಳಿ.

ಈ ಕೃತಿಯ ಲೇಖಕರಾದ ಡಾ|| ಸಿ. ಆರ್. ಚಂದ್ರಶೇಖರ್ ಖ್ಯಾತ ಮನೋವೈದ್ಯರು. ಇವರು ಬೆಂಗಳೂರಿನ ನಿಮ್ಹಾನ್ಸ್ ಆಸ್ಪತ್ರೆಯಲ್ಲಿ 32 ವರ್ಷಗಳಿಗೂ ಹೆಚ್ಚುಕಾಲ ಸೇವೆ ಸಲ್ಲಿಸಿ ಈಗ ನಿವೃತ್ತರು. ಇವರು ಬರೆದ ಮತ್ತು ಸಂಪಾದಿಸಿದ 120ಕ್ಕೂ ಹೆಚ್ಚು ಪುಸ್ತಕಗಳನ್ನು ನವಕರ್ನಾಟಕ ಪ್ರಕಟಿಸಿದೆ.