ಮಾನಸಿಕ ಸಮಸ್ಯೆಗಳಿಗೆ 'ಮನಸ್ಸು' ಇಲ್ಲದ ಮಾರ್ಗ

ಲೇಖಕರ ಭಾಷೆ, ಶೈಲಿ ಹಾಗೂ ವಿಷಯ ಮಂಡನಾ ವಿಧಾನ ಆಕರ್ಷಣೀಯವಾಗಿದೆ. ಪುಸ್ತಕದ ಮೊದಲ ಭಾಗ 'ಮುಗಿಸಿದ ಯುದ್ಧಗಳು' ಬಹಳ ಆಕರ್ಷಣೀಯವಾಗಿದ್ದು, ಸುಲಭವಾಗಿ ಓದಿಕೊಂಡು ಹೋಗುತ್ತದೆ. ಕುತೂಹಲ ಕೆರಳಿಸುವ ವೃತ್ತಾಂತಗಳು ಓದುಗರನ್ನು ಮೆಚ್ಚಿಸುತ್ತದೆ. ಈ ಪುಸ್ತಕ ಕನ್ನಡಕ್ಕೆ ಒಂದು ಉತ್ತಮ ಕೊಡುಗೆ.

-ಡಾ||ಸಿ, ಆರ್. ಚಂದ್ರಶೇಖರ್

ವಿವರಿಸಿರುವ ಶೈಲಿ, ತುಂಬ ಸ್ವಾರಸ್ಯವಾಗಿದ್ದು, ಪುಸ್ತಕವನ್ನು ಕೈಗೆತ್ತಿಕೊಂಡ ನಂತರ ಕೆಳಗಿಡಲು ಮನಸ್ಸು ಬರುವುದಿಲ್ಲ. ನಮ್ಮ ಮನೋರೋಗಿಗಳು ಅಥವಾ ಅವರ ಕುಟುಂಬ ಸದಸ್ಯರು ಈ ಪುಸ್ತಕ ಓದಿದರೆ ಖಂಡಿತವಾಗಿ ನಮ್ಮ ಮೇಲೆ ಅವರು ಹಾಕುವ ಒತ್ತಡ ಸಾಕಷ್ಟು ಕಡಿಮೆ ಆಗುತ್ತದೆ.'

-ಡಾ. ಎಚ್. ಎಸ್. ವೆಂಕಟೇಶ್

'ಮನಸ್ಸು' ಇಲ್ಲದ ಮಾರ್ಗ ಒಂದು ಕಲಾತ್ಮಕ ಕೃತಿ. ಓದುಗ ತಾನೇನು ವೈಜ್ಞಾನಿಕ ಕೃತಿಯನ್ನು ಓದುತ್ತಿದ್ದೇನೋ ಅಥವಾ ಕಾದಂಬರಿಯನ್ನು ಓದುತ್ತಿದ್ದೇನೋ ಎಂದು ಆಶ್ಚರ್ಯಗೊಳ್ಳುತ್ತಾ, ಕಲೆ ಮತ್ತು ವಿಜ್ಞಾನದ ಸಂಗಮದಲ್ಲಿ ಈಜುತ್ತಾ, ಕೆಲವೊಮ್ಮೆ ಹಾಯಾಗಿ ತೇಲುತ್ತಾ , ಆದರೆ ನಿರಂತರವಾಗಿ ತನ್ನ ಬಗ್ಗೆ ಅರಿವನ್ನು ಹೆಚ್ಚಿಸಿಕೊಳ್ಳುತ್ತಾ 'ಮನಸ್ಸು ಇಲ್ಲದ ಮಾರ್ಗವನ್ನು ಮುಗಿಸುತ್ತಾನೆ

-ಡಾ|| ಬಿ. ಕೃಷ್ಣಮೂರ್ತಿ