ಚಮತ್ಕಾರದ ಗಣಿತ

ಗಣಿತ ನನಗೆ ಹೇಳಿ ಮಾಡಿಸಿದ್ದಲ್ಲ. ನನ್ನ ತಲೆಗೆ ಹತ್ತುವುದಿಲ್ಲ ಎಂದು ವಾದಿಸುವವರು ಈ ಪುಸ್ತಕದ ಶೀರ್ಷಿಕೆ ನೋಡಿ, ಗಣಿತದಲ್ಲಿ ಚಮತ್ಕಾರ,ವಿನೋದ ಹೇಗೆ ಸಾಧ್ಯ ಎಂದು ಅಚ್ಚರಿಗೊಳ್ಳಬಹುದು.
ಸ್ವಲ್ಪ ಪ್ರಯತ್ನಿಸಬೇಕಷ್ಟೆ. ಈ ಪುಸ್ತಕದಲ್ಲಿ ಸೂಚಿಸಲಾಗಿರುವ ಗಣಿತದ ಸಮಸ್ಯೆಗಳು ಮೊದಲ ನೋಟಕ್ಕೆ ಕಠಿಣವೆನ್ನಿಸ ಬಹುದು. ಆದರೆ, ಉತ್ತರಿಸಲು ಪ್ರಯತ್ನಿಸಿದಾಗ ಅವು ಸರಳವಾಗಿರುವುದನ್ನು ಕಾಣಬಹುದು. ಇನ್ನೂ ಕೆಲವು ಪ್ರಶ್ನೆಗಳು ಮೊದಲು ಈ ರೂಪದಲ್ಲಿ ಎದುರಾಗುವುದರಿಂದ ಉತ್ತರ ಒಮ್ಮೆಲೇ ಹೊಳೆಯದಿರಬಹುದು. ಪ್ರಯತ್ನಿಸಿ ಉತ್ತರ ಕಂಡುಹಿಡಿದಾಗ ಅದು ಅತ್ಯಂತ ಸಂತೋಷ ನೀಡುತ್ತದೆ. 
ಈ ಕೃತಿಯ ಲೇಖಕರಾದ ಡಾ. ಆನಂದ ದೇಶಪಾಂಡೆ ಯವರು ವೃತ್ತಿಯಿಂದ ವೈದ್ಯರು. ಇಂಗ್ಲೆಂಡಿನಲ್ಲಿ ನೆಲೆಸಿದ್ದರೂ ಕನ್ನಡ ನುಡಿ ಸೇವೆಯಲ್ಲಿ ತೊಡಗಿಕೊಂಡವರು. ಈ ಕೃತಿಗೆ ತಾವೇ ರೇಖಾಚಿತ್ರಗಳನ್ನು ಒದಗಿಸಿದ್ದಾರೆ.