"ಸ್ತ್ರೀ ಜೀವನದ ತಂಟೆ-ತಕರಾರುಗಳು, ಭಾವನಾತ್ಮಕ ಹೋರಾಟ ಹಾಗೂ ಗಂಡನಿಂದ ಪರಿತ್ಯಕ್ತಳಾದ ಹೆಣ್ಣೊಬ್ಬಳ ಅಂತರಂಗದ ತುಮಲಗಳನ್ನು ಚಿತ್ರಿಸುವ ಭವ್ಯಾ ಹಳಿಯೂರು ಅವರ ಚೊಚ್ಚಲ ಕನ್ನಡ ಕಾದಂಬರಿ 'ಪರಿತ್ಯಕ್ತೆ'!"

ಶಿರಸಿಯಲ್ಲಿ ಉಪನ್ಯಾಸಕಿಯಾಗಿರುವ ಭವ್ಯಾ ಹಳೆಯೂರು ಅವರ ಹೊಸ ಕಾದಂಬರಿ 'ಪರಿತ್ಯಕ್ತೆ'. ಬದುಕಿನಲ್ಲಿ ಅನಿರೀಕ್ಷಿತ ಘಟನೆಗಳು ಸಂಭವಿಸಿದಾಗ, ಹೆಣ್ಣುಮಕ್ಕಳು ಅನುಭವಿಸುವ ನೋವು ಮತ್ತು ಸಮಾಜದ ಸವಾಲುಗಳನ್ನು ಕಾದಂಬರಿಕಾರರು ಅತ್ಯಂತ ನೈಜವಾಗಿ ಚಿತ್ರಿಸಿದ್ದಾರೆ. ಗಂಡನಿಂದ ಪರಿತ್ಯಕ್ತಳಾಗಿ, ಬದುಕಿನ ಗೊಂದಲಗಳಲ್ಲಿ ಉತ್ತರ ಕಂಡುಕೊಳ್ಳಲು ಹೆಣಗಾಡುವ ಹೆಣ್ಣಿನ ಮಾನಸಿಕ ತುಮಲಗಳೇ ಈ ಕೃತಿಯ ಕಥಾವಸ್ತು.

ಮೋಸ ಹೋದ ಪ್ರೀತಿ, ಸಮಾಜದ ಕಟ್ಟುಪಾಡುಗಳು ಮತ್ತು ದೇವದಾಸಿ ಪದ್ಧತಿಯಂತಹ ಸಾಮಾಜಿಕ ಪಿಡುಗುಗಳ ಕರಾಳ ನೆರಳಿನ ನಡುವೆಯೂ ಸ್ವತಂತ್ರ ವ್ಯಕ್ತಿತ್ವವನ್ನು ರೂಪಿಸಿಕೊಳ್ಳುವ ಮೋಹಿನಿಯ ಕಥೆ ಇಲ್ಲಿದೆ. "ನಮ್ಮ ಮನೆಯ ಹಾಗೂ ಮನದ ದೀಪವನ್ನು ನಾವೇ ಹಚ್ಚಿಕೊಳ್ಳಬೇಕು" ಎಂಬ ಸ್ಪೂರ್ತಿದಾಯಕ ಸಂದೇಶವನ್ನು ಈ ಪುಸ್ತಕ ನೀಡುತ್ತದೆ.