ಸ್ವಾಮಿ ವಿವೇಕಾನಂದರ ಜೀವನ, ಸಂದೇಶಗಳು ಅನೇಕರಿಗೆ ಮಹತ್ಸ್ಫೂರ್ತಿಯ ಆಕರ ವೆಂಬ ವಿದ್ಯಮಾನ ಗಮನಾರ್ಹವಾದುದು. ಅವರ ಮಾತುಗಳು ಕುಗ್ಗುವ ಆತ್ಮಕ್ಕೆ ಧೈರ್ಯ ತುಂಬುತ್ತವೆ; ಅವರ ಸಂದೇಶ ಮುಳುಗುವ ಜನಾಂಗಕ್ಕೆ ಹೊಸ ಆಸೆಯನ್ನು ತರುತ್ತದೆ. ವಿವೇಕಾನಂದರು ಶಕ್ತಿಯ ಮೂರ್ತರೂಪವಾಗಿ ದ್ದರು; ಅವರ ಎಲ್ಲ ಉಪದೇಶಗಳನ್ನು ಒಂದು ಮಾತಿನಲ್ಲಿ ಸಂಗ್ರಹಿಸುವುದಾದರೆ, ಅದು ಶಕ್ತಿ-ಚಲನಶೀಲ ಶಕ್ತಿ. ಶಕ್ತಿಯ ಅಭಾವದಿಂದಲೆ ವ್ಯಕ್ತಿಗಳು ಬಾಳಿನಲ್ಲಿ ಸೋಲುತ್ತಾರೆ, ರಾಷ್ಟ್ರಗಳು ದುಃಖಭಾಜನವಾಗುತ್ತವೆ.ಈ ಕಿರುಹೊತ್ತಗೆಯು ಸ್ವಾಮಿ ವಿವೇಕಾನಂದರ ಜೀವನ-ಸಂದೇಶಗಳಿಂದ ಸ್ಫೂರ್ತಿಯನ್ನು ಪಡೆಯಲು ಓದುಗರಿಗೆ ಸಹಕಾರಿಯಾಗುವುದು.