ಗ್ರೇತಾ ಥನ್ ಬರ್ಗ್

ಇದು ಈ ಯುಗದ ಅಚ್ಚರಿ !

15 ವರ್ಷದ ಈ ಹುಡುಗಿ ಒಬ್ಬಂಟಿಯಾಗಿ ಧರಣಿ ಕೂತಳು. ಅವಳ ಮುಷ್ಕರವನ್ನು ಬೆಂಬಲಿಸಿ 130 ರಾಷ್ಟ್ರಗಳಲ್ಲಿ ಎಳೆಯರು ಬೀದಿಗೆ ಬಂದರು. ಬಹುತೇಕ ಮೂಕಿಯಾಗಿದ್ದ ಇವಳು

> ಬ್ರಿಟನ್, ಫ್ರಾನ್ಸ್ ಸಂಸತ್ತಿನಲ್ಲಿ ಮಾತಾಡಿದಳು

> ಪ್ರತಿಷ್ಠಿತ ದಾವೋಸ್ ಸಮ್ಮೇಳನದಲ್ಲಿ ಮಾತಾಡಿದಳು

> ಐರೋಪ್ಯ ಸಂಸತ್ತಿನಲ್ಲಿ ಮಾತಾಡಿದಳು

> ಮಕ್ಕಳ ಕ್ಲೈಮೇಟ್ ಪ್ರಶಸ್ತಿ ಪಡೆದಳು.

> ಟೈಮ್ ಪತ್ರಿಕೆಯ ಮುಖಪುಟಕ್ಕೆ ಬಂದಳು.

> ಎಫ್‌ ಆರ್ ಎಸ್‌ ಜಿಎಸ್‌ ಪದವಿ ಪಡೆದಳು

> ಗೌರವ ಡಾಕ್ಟರೇಟ್ ಪಡೆದಳು

> ನೊಬೆಲ್ ಪ್ರಶಸ್ತಿಗೆ ನಾಮಾಂಕಿತಗೊಂಡಳು

> ವಿಶ್ವಸಂಸ್ಥೆಯಲ್ಲಿ ಭಾಷಣ ಮಾಡಿದಳು

> ಬದಲೀ ನೊಬೆಲ್ ಪ್ರಶಸ್ತಿ ಪಡೆದಳು

ಗ್ರೇತಾ ಎಂಬ ಹುಡುಗಿಯ ಕೀರ್ತಿ ಹೀಗೆ ರಾಕೆಟ್‌ನಂತೆ ಮೇಲೇರಿತು. ಹಡಗು ಸಂಕಟಕ್ಕೆ ಸಿಲುಕಿದ್ದಾಗ ಉರಿಬತ್ತಿ ಹಾರಿಸಿ 'ಸಹಾಯಕ್ಕೆ ಬನ್ನಿ' ಎಂಬ ಸಂಕೇತ ಹೊಮ್ಮಿಸಲಾಗುತ್ತದೆ. ಹಾಗೆ. ಭೂಮಿ ಸಂಕಟಕ್ಕೆ ಸಿಲುಕಿದೆ.

ಪೃಥ್ವಿಮಿತ್ರರು ಇವಳನ್ನು ಮೇಲಕ್ಕೆ ಚಿಮ್ಮಿಸಿದ್ದಾರೆ.