ಆಸ್ಪತ್ರೆಗಳಲ್ಲಿ ಏಳು ಎಚ್ಚರಿಕೆಗಳು

ಇದು ಮೆಡಿಕಲ್ ಪುಸ್ತಕ ಅಲ್ಲ; ವಿಜ್ಞಾನಲೋಕದ ಆಗುಹೋಗುಗಳ ಕಥಾನಕ ಇಲ್ಲಿದೆ. ನಿಜ, ಇದರಲ್ಲಿ ವೈದ್ಯರಂಗದ ಕೆಲವು ಲೇಖನಗಳಿವೆ. ಆಸ್ಪತ್ರೆಗಳಲ್ಲಿ ಸಂಭವಿಸುವ ದುರಂತಗಳು ಆದಷ್ಟೂ ಕಮ್ಮಿ ಆಗುವಂತೆ ರೋಗಿಗಳು ಕೈಗೊಳ್ಳಬೇಕಾದ ಎಚ್ಚರಿಕೆಗಳಿವೆ. ವೈದ್ಯರೇ ನೀಡಿದ ಎಚ್ಚರಿಕೆಗಳು ಅವು. ಜೊತೆಗಿಷ್ಟು ವಿಜ್ಞಾನರಂಗದ ಸಾಹಸಗಳಿವೆ. ರೋಬಾಟ್‌ಗಳ ರೋಚಕ ಕತೆಯಿದೆ. ಧೂಮಕೇತುಗಳು, ಅಂಟಾರ್ಕ್ಟಿಕಾ ಸಂಕಷ್ಟ, ವಿಮಾನ ದುರಂತ, ಜಿರಾಫ್ ಪ್ರಾಣಿಯ ರುದ್ರ ಅವಸಾನ, ನೊಬೆಲ್ ಪ್ರಶಸ್ತಿಗಳ ಆರಂಭದ ಕತೆ, ಕನ್ನಡಕದಲ್ಲೇ ಕಂಪ್ಯೂಟರು, ತಿಮಿಂಗಿಲ ಬೇಟೆ ಇವೇ ಮುಂತಾದ ಅಷ್ಟಾಗಿ ಸುದ್ದಿಗಳಾಗಿಲ್ಲದ ಅಪರೂಪದ ಘಟನೆಗಳ ಸ್ವಾರಸ್ಯಕರ ಪರಿಚಯಗಳಿವೆ. ವಿಜ್ಞಾನ ಎಂದರೆ ಅಲರ್ಜಿ ಎನ್ನುವವರಿಗೆ ಇಲ್ಲೊಂದಿಷ್ಟು ರಸಭರಿತ ಕಥನಗಳಿವೆ. ಮತ್ತೆ ಮತ್ತೆ ಮೆಲ್ಲಬಹುದಾದದ್ದು.