ವಿಚಿತ್ರ ಸಂಗತಿಗಳು

ವಿಜ್ಞಾನಿಗಳು ಸತತ ಸಂಶೋಧನೆಯಿಂದ ಅನೇಕ ಆವಿಷ್ಕಾರಗಳನ್ನು ಮಾಡಿದ್ದಾರೆ. ಪ್ರಕೃತಿಯ ಅನೇಕ ರಹಸ್ಯಗಳನ್ನು ಬಯಲು ಮಾಡಿದ್ದಾರೆ. ವಿಜ್ಞಾನಿಗಳ ಇಂಥ ಶೋಧನೆಗಳಿಂದ ಲೋಕಕ್ಕೆ ಒಳಿತಾಗಿದೆ. ಯಾವುದೇ ವೈಜ್ಞಾನಿಕ ಆವಿಷ್ಕಾರ ಒಂದೇ ದಿನದ ಫಲವಲ್ಲ. ಶೋಧನೆ, ಆವಿಷ್ಕಾರ, ಕೆಲವೊಮ್ಮೆ ಸೋಲು - ಇವು ನಡೆಯುತ್ತಲೇ ಇರುವ ವೈಜ್ಞಾನಿಕ ಪ್ರಕ್ರಿಯೆಗಳು. 

ಆಂಪಿಯರ್, ವೋಲ್ಟ್, ಓಮ್ಸ್, ಹಾಗೆ ಲೀಟರ್, ಸೆಲ್ಸಿಯಸ್ ಇತ್ಯಾದಿ, ನಮಗೆ ಚಿರಪರಿಚಿತ ಪದಗಳು, ಆದರೆ ಇವು ಅವುಗಳನ್ನು ಶೋಧಿಸಿದ ಮಹನೀಯರ ಹೆಸರುಗಳೇ ಎಂದು ಎಷ್ಟು ಮಂದಿಗೆ ತಿಳಿದಿರಬಹುದು ?

ಈ ಪುಸ್ತಕದ ಲೇಖಕರಾದ ಕೈವಾರ ಗೋಪೀನಾಥ್ 'ವಿಜ್ಞಾನ ಪ್ರಪಂಚದಲ್ಲಿ ಸಂಭವಿಸಿದ ಇಂಥ ಅನೇಕ ವಿಚಿತ್ರ ಕುತೂಹಲಕಾರಿ ಸಂಗತಿಗಳನ್ನು ಇಲ್ಲಿ ಸಂಗ್ರಹಿಸಿಕೊಟ್ಟಿದ್ದಾರೆ. ಇವರ 'ವಿಜ್ಞಾನ ಪ್ರಪಂಚ -ಸ್ವಾರಸ್ಯ ಸಂಗತಿಗಳು' ಮತ್ತು 'ವಿಜ್ಞಾನ ಪ್ರಪಂಚ - ಸಂಶೋಧನೆಯ ಜಗತ್ತು' ಎಂಬ ಪುಸ್ತಕಗಳು ಪ್ರಕಟವಾಗಿವೆ.