{"product_id":"sadagarakke-saavilla-articles-b-suresh-kannada-book","title":"ಸಡಗರಕ್ಕೆ ಸಾವಿಲ್ಲ","description":"\u003cp\u003eಈ ಪುಸ್ತಕದಲ್ಲಿ ರಂಗಭೂಮಿ ಕುರಿತ ಲೇಖನಗಳಿವೆ; ರಂಗಚಿಂತನೆ, ರಂಗವಿಮರ್ಶೆ, ರಂಗಭೂಮಿಯ ಒಡನಾಡಿಗಳನ್ನು ಕುರಿತ ವ್ಯಕ್ತಿಚಿತ್ರಗಳು, ಅಲ್ಲದೆ ಹಲವೆಡೆ ಆಡಿದ ಮಾತುಗಳನ್ನು ಅಕ್ಷರವಾಗಿಸಿರುವ ಲೇಖನಗಳಿವೆ. ಇವುಗಳು ವಿಭಿನ್ನ ಕಾಲಘಟ್ಟದಲ್ಲಿ ಬೇರೆ ಬೇರೆ ಸಂದರ್ಭಗಳಿಗಾಗಿ ಬರೆದ ಲೇಖನಗಳು. ಈ ಲೇಖನಗಳಲ್ಲಿರುವ ಹಲವು ಅಭಿಪ್ರಾಯಗಳು ಆಯಾ ಕಾಲದ್ದು. (ಆಯಾ ಲೇಖನಗಳು ಯಾವಾಗ, ಎಲ್ಲಿ ಪ್ರಕಟವಾದವು ಅಥವಾ ಎಲ್ಲಿ ಮಾಡಿದ ಭಾಷಣ ಎಂಬ ವಿವರಗಳನ್ನು ಫುಟ್ ನೋಟ್ ಗಳಲ್ಲಿ ಗಮನಿಸಬಹುದು.) ಕಾಲಾಂತರದಲ್ಲಿ, ತಿಳಿವು ಮೂಡಿದಂತೆ ನನ್ನ ಹಲವು ನಿಲುವುಗಳು ಬದಲಾಗಿವೆ. ನಾನು ಆಗ ಬರೆದ - ಆಡಿದ ಮಾತುಗಳನ್ನು ಇಂದು ಒಪ್ಪದಿರಬಹುದು. ಆದರೂ ಯಾವ ಮಾತನ್ನೂ ಬದಲಿಸದೆ ಅಂದಿನ ಆ ಮಾತುಗಳನ್ನು ಹಾಗೆಯೇ ಇರಿಸಿ ಇಲ್ಲಿ ಪ್ರಕಟಿಸಲಾಗಿದೆ. \u003c\/p\u003e\n\u003cp\u003eಹಾಗೆಯೇ, ಮಾತಿನಿಂದ ಅಕ್ಷರವಾದ ಹಲವು ಲೇಖನಗಳಲ್ಲಿ ಯಾವುದೋ ವಿವರಕ್ಕೆ ಸಂಬಂಧಿಸಿದ ವ್ಯಕ್ತಿಗಳ ಪಟ್ಟಿಯನ್ನು ಮಾಡುವಾಗ ಕೆಲವು ಮುಖ್ಯ ಹೆಸರು ಬಿಟ್ಟಿರಬಹುದು. ಅದು ಆ ಮಾತು ಕಟ್ಟುವ ಕ್ಷಣದಲ್ಲಿ ಆಗಿರಬಹುದಾದ್ದು. ಪ್ರಾಯಃ ಲೇಖನವಾಗಿ ಬರೆದಿದ್ದರೆ ಹೆಸರುಗಳು ತಪ್ಪುತ್ತಾ ಇರಲಿಲ್ಲವೇನೋ ಅಥವಾ ಕೆಲವು ಹೇಳಿಕೆಗಳು ಬದಲಾಗುತ್ತಿದ್ದವೇನೋ. ಅಂತಹ ಹಲವು ಸ್ಥಳಗಳಲ್ಲಿ ತಿದ್ದುಪಡಿ ಮಾಡದೆ ಆಗ ಏನು ಮಾತಾಡಿದ್ದೇನೋ ಹಾಗೆಯೇ ಈ ಪ್ರಕಟಣೆಯಲ್ಲಿ ಇರಿಸಲಾಗಿದೆ. \u003c\/p\u003e\n\u003cp\u003eಇಂತಹ ಲೇಖನಗಳ ಸಂಗ್ರಹ ತರುವಾಗ ಪುಸ್ತಕದ ಗಾತ್ರದ ದೃಷ್ಟಿಯಿಂದ ಕೆಲವು ಲೇಖನಗಳನ್ನು ಕತ್ತರಿಸಿದ್ದೇವೆ. ಅದಕ್ಕೆ ಪುಸ್ತಕದ ಗಾತ್ರವಷ್ಟೇ ಕಾರಣ. ಮುಂದೆಂದಾದರೂ ಇಲ್ಲಿ ಬಳಸದ ಮತ್ತು ಈ ಸಂಗ್ರಹ ಆದ ನಂತರ ಬರೆದಿರುವ ಇನ್ನೂ ಹಲವು ಲೇಖನಗಳನ್ನು ಸೇರಿಸಿ ಪುಸ್ತಕ ಮಾಡುವ ಕಾಲ ಬಂದರೆ ಆಗ ಕೈಬಿಟ್ಟ ಲೇಖನಗಳನ್ನು ಸೇರಿಸುವ ಪ್ರಯತ್ನ ಮಾಡಬಹುದೇನೋ, ನೋಡುವ.\u003cbr\u003e\u003c\/p\u003e","brand":"B. Suresh","offers":[{"title":"Default Title","offer_id":49692728525059,"sku":"HB00007620","price":480.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0607\/9859\/9427\/files\/SadagarakkeSaavilla.jpg?v=1790241564","url":"https:\/\/harivubooks.com\/products\/sadagarakke-saavilla-articles-b-suresh-kannada-book","provider":"Harivu Books","version":"1.0","type":"link"}