ಕುಮಾರರಾಮ

ಲೇಖಕ ಸು. ರುದ್ರಮೂರ್ತಿ ಶಾಸ್ತ್ರಿ ಅವರ ಐತಿಹಾಸಿಕ ಕಾದಂಬರಿ-ಕುಮಾರ ರಾಮ. 13ನೇ ಶತಮಾನದಲ್ಲಿ ಕಂಪ್ಲಿ ರಾಜ್ಯದ (ಬಳ್ಳಾರಿ ಜಿಲ್ಲೆ) ವೀರ ರಾಜಕುಮಾರನಾದ ಕುಮಾರರಾಮ ತನ್ನ ಶೌರ್ಯ, ಪಿತೃಭಕ್ತಿ, ಶರಣಾಗತ ರಕ್ಷಣೆ ಇಂಥಹ ಉದಾತ್ತ ಗುಣಗಳಿಂದ ಮಾತ್ರವಲ್ಲ; ಪರನಾರಿ ಸಹೋದರನೆಂಬ ಖ್ಯಾತಿ ಪಡೆದಿದ್ದ. ಈತನ ಕುರಿತು ಇಂದಿಗೂ ಚಾರಿತ್ರಿಕ ಘಟನೆಗಳ ಉಲ್ಲೇಖನಗಳು ಸಿಕ್ಕುತ್ತವೆ. ಬಳ್ಳಾರಿ ಜಿಲ್ಲೆಯ ಹಂಪಿ, ಆನೆಗೊಂದಿ, ಕಂಪ್ಲಿ, ಹೊಸಪೇಟೆ ಭಾಗಗಳಲ್ಲಿ ಕುಮಾರರಾಮನ ಕಥೆ ಬಹು ಪ್ರಸಿದ್ಧಿ. ಇಂತಹ ವೀರ ರಾಜಕುಮಾರನ ಕಥೆ ಆಧರಿಸಿದ ಕಾದಂಬರಿ ಇದು.