ಕೊಳದ ಮೇಲಿನ ಗಾಳಿ - ಪ್ರಬಂಧಗಳು

ಶ್ರೀಮತಿ ಎಂ. ಆರ್. ಕಮಲ ಕನ್ನಡದ ಮುಖ್ಯ ಕವಿ, ಪ್ರಬಂಧಕಾರ್ತಿ, ಮತ್ತು ಅನುವಾದಕಿ, ಅವರು ಪುತಿನ ಅವರ 25 ಕವಿತೆಗಳನ್ನು ಅನುಸಂಧಾನಿಸಿದಾಗ ಸ್ಪುರಿತವಾದ ಭಾವ ಲಹರಿಗಳು ಈ ಪುಸ್ತಕದಲ್ಲಿ ಸೊಗಸಾದ ಲಲಿತ ಪ್ರಬಂಧಗಳಂತೆ ಆಕಾರಗೊಂಡಿವೆ. ಈ ಬರಹಗಳು ಕನ್ನಡಕ್ಕೆ ಹೊಸಬಗೆಯ ಕಾವ್ಯಾನುಸಂಧಾನದ ಬಾಗಿಲನ್ನು ಸಹಾ ತೆರೆಯುತ್ತಿವೆ. ಇದು ಕಾವ್ಯಾನು ಸಂಧಾನದ ಪಶ್ಚಾತ್-ಭಾವದ ಹೊಸ ಸಂಕಥನ.

ಪ್ರೊ. ಎಂ.ಆರ್‌. ಕಮಲ ಪುತಿನ ಕಾವ್ಯಾನುಸಂಧಾನದ ಪಶ್ಚಾತ್ಪರಿಣಾಮದ ಸಲೀಲವೂ ಸೂಕ್ಷ್ಮವೂ ಆದ ಅನುಭವ ಕಥನವನ್ನಿಲ್ಲಿ ಭಾವಪೂರ್ಣವಾಗಿ ಪ್ರಸ್ತುತಪಡಿಸಿದ್ದಾರೆ. ಕಾವ್ಯಾನುಭವವು ಓದುಗನ ಖಾಸಗಿ ಲೋಕದ ದಿವ್ಯಗಳೊಂದಿಗೆ ಹೇಗೆ ತಳುಕುಹಾಕಿಕೊಳ್ಳುವುದು ಎಂಬುದರ ಸುಂದರ ವಿವಕ್ಷೆ ಕಮಲ ಅವರ ಈ ವಿನೂತನ ಭಾವ ಲಹರಿ.

ಎಚ್ಚೆಸ್ವಿ