{"product_id":"iddoo-illaddu-novel-dr-na-mogasale-kannada-book","title":"ಇದ್ದೂ ಇಲ್ಲದ್ದು","description":"\u003cp\u003eಎಪ್ಪತ್ತೊಂಬತ್ತರ ಪ್ರಾಯದ ಡಾ. ನಾ. ಮೊಗಸಾಲೆಯವರ ಹೊಸ ಕಾದಂಬರಿ ‘ಇದ್ದೂ ಇಲ್ಲದ್ದು’ ಇತ್ತೀಚಿನ ಹೊಸ ಸಮಸ್ಯೆಯೊಂದನ್ನು ಕೇಂದ್ರವಾಗಿರಿಸಿಕೊಂಡಿದೆ. ಮೂಲ ಮನೆಯ ದೇವರುಗಳ ಪೂಜೆಯ ನಿರ್ವಹಣೆ ನಗರ ವಲಸೆಯ ಕಾರಣದಿಂದಲೋ ಮತ್ತಾವುದೋ ಕಾರಣದಿಂದಲೋ ತೊಡಕಾಗುತ್ತಿರುವ, ಅನಾಥ ರಕ್ಷಕನಾದ ದೇವರೇ ಅನಾಥನಾಗುತ್ತಿರುವ ಸಂದರ್ಭವನ್ನು ಚಿತ್ರಿಸುವ ಈ ಕಾದಂಬರಿಯು ದೇವರನ್ನು ಕುರಿತಾದ ನಮ್ಮ ನಿಲುವು ಮತ್ತು ನಂಬಿಕೆಗಳು ಬದಲಾಗುತ್ತಿರುವುದನ್ನು ಚರ್ಚಿಸುತ್ತದೆ. ಹೊಸಕಾಲದ ಮನ್ವಂತರಕ್ಕೆ ಮನೆದೇವರೂ ಒಳಪಡುವ ಪರಿ ಈ ಕಾದಂಬರಿಯ ವಸ್ತು. ಕಾದಂಬರಿಗೆ ಈ ವಸ್ತು ಹೊಸತು ಕೂಡ.\u003c\/p\u003e\n\u003cp\u003eಹಾಗೆ ನೋಡಿದರೆ ನಮ್ಮ ಶಿವರಾಮಕಾರಂತರು ತಮ್ಮ ಮೂಕಜ್ಜಿಯ ಕನಸುಗಳು, ಬಾಳ್ವೆಯೇ ಬೆಳಕು ಮುಂತಾದ ವಿಚಾರಪೂರ್ಣ ಕೃತಿಗಳಲ್ಲಿ, ಡಿ.ವಿ.ಜಿಯವರು ತಮ್ಮ ದೇವರು ಕೃತಿಯಲ್ಲಿ, ಎ.ಎನ್. ಮೂರ್ತಿರಾಯರು ದೇವರು ಕೃತಿಯಲ್ಲಿ, ವಸುದೇವ ಭೂಪಾಲಂ ತಮ್ಮ ದೇವರು ಸತ್ತ ಎಂಬ ಕೃತಿಯಲ್ಲಿ, ಗೌರೀಶ ಕಾಯ್ಕಿಣಿಯವರ ಅನೇಕ ವೈಚಾರಿಕ ಲೇಖನಗಳಲ್ಲಿ ದೇವರು ಇರುವ ಅಥವಾ ಇಲ್ಲದಿರುವ ಚರ್ಚೆಗಳು, ಈ ವಿಚಾರ ಕುರಿತಾಗಿ ಮನುಷ್ಯ ಜೀವಿಯ ನಂಬಿಕೆಗಳು, ನಡುವಳಿಕೆಗಳ ಕುರಿತಾದ ಚರ್ಚೆಗಳನ್ನು ಈಗಾಗಲೇ ಕನ್ನಡದ ಓದುಗರು ಗಮನಿಸಿದ್ದಾರೆ. ಮೇಲೆ ಉಲ್ಲೇಖಿಸಿದವರ ಆನಂತರದ ತಲೆಮಾರಿನ ಲೇಖಕರ ಚರ್ಚೆಯನ್ನೂ ನೋಡಿಯಾಗಿದೆ. ನಮ್ಮ ಕನ್ನಡ ಸಾಹಿತ್ಯ ಪರಂಪರೆಯೊಳಗೆ ಈ ಚರ್ಚೆಯ ಮೂಲ ಬೇರುಗಳಿವೆ. ಮುಂದಿನ ತಲೆಮಾರಿನವರಲ್ಲಿಯೂ ಈ ಚರ್ಚೆ ಚಾಲ್ತಿಯಲ್ಲಿರಲಿದೆ ಕೂಡ.\u003c\/p\u003e","brand":"Dr. Na. Mogasale","offers":[{"title":"Default Title","offer_id":49333834055939,"sku":"HB00007364","price":290.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0607\/9859\/9427\/files\/IddooIlladdu.jpg?v=1785132882","url":"https:\/\/harivubooks.com\/products\/iddoo-illaddu-novel-dr-na-mogasale-kannada-book","provider":"Harivu Books","version":"1.0","type":"link"}