ಗದ್ಯಗಂಧಿ - ಕವಿತೆಗಳು

ನೆನಪು, ಕನಸು ಮತ್ತು ಕನವರಿಕೆಗಳ ಹದವಾದ ಸಂಯೋಗವನ್ನು 'ಗದ್ಯಗಂಧಿ' ಕೃತಿಯಲ್ಲಿ ಕಾಣುತ್ತೇವೆ.ಈ ಗದ್ಯಕ್ಕೆ ಕಾವ್ಯದ ಗಂಧವಿರುವಂತೆಯೇ, ಲಾಲಿತ್ಯ ಮತ್ತು ಕಥನದ ಘಮಲು ಸೇರಿಕೊಂಡಿದೆ. ಎಲ್ಲ ಹೂಗಳನ್ನು ಒಂದೇ ನಾರಿನಲ್ಲಿ, ಕುಸುರಿಯಲ್ಲಿ ಪೋಣಿಸಿದಂತೆ ಇವುಗಳ ಸೊಗಸುಗಾರಿಕೆಯಿದೆ.

ನೆನಪುಗಳನ್ನು ಹೆಣೆಯುವಾಗ ಅವು ಬರಿಯ ಹಳಹಳಿಕೆಯಲ್ಲಿ ಕೊನೆಯಾಗುವುದಿಲ್ಲ. ಬದಲಿಗೆ, ಸದ್ಯದ ಬದುಕಿಗೆ ಬೆಚ್ಚಗಿನ ಭಾವ ಮೂಡಿಸಿ ನಿರಾಳತೆ ಒದಗಿಸುತ್ತವೆ. ಏಕಾಂತವು ಲೋಕಾಂತದಲ್ಲಿ ಕೊನೆಯಾಗುವುದು ಕೂಡ ಈ ಪದ್ಯಗಳ ಇನ್ನೊಂದು ವಿಸ್ಮಯವಾಗಿದೆ.